یۆڤێنتۆس و رۆما و میلان پێشكه‌ڤتن و ئینته‌ر تووشی دۆڕاندنێ‌ بو

یۆڤێنتۆس و رۆما و میلان پێشكه‌ڤتن و ئینته‌ر تووشی دۆڕاندنێ‌ بو

وار – دهوك :

ئاشتى قاسم

هه‌لگرا ناسناڤی یانه‌یا یوڤێنتۆس به‌رده‌وامی دا زنجیره‌ییا سه‌ركه‌ڤتنێن خۆ د كالچیویێ‌ دا و سه‌ركه‌ڤتنا خۆ یا حه‌فتێ‌ لدووڤ ئێك تۆماركر ڤێ‌ جارێ‌ لسه‌ر مێڤاندارا خۆ كاربی ب سێ‌ گۆلان به‌رامبه‌ر دوو گۆلان ژ هه‌ڤركیێن گه‌را هه‌ڤدێ‌، گۆلێن یوڤێنتۆس ژلایێ‌ ماریۆ ماندزوكێچ دوو گۆل و پۆل پۆگبا گۆله‌ك هاتنه‌ تۆماركرن، و گۆلێن كاربی برێكا ماركۆ بۆریلۆ و به‌ره‌ڤانێ‌ یوڤێنتۆس لیۆناردو بۆنۆچی ب خه‌له‌تیڤه‌ هاتنه‌ تۆماركرن، ژلایه‌كێ‌ دیڤه‌ و پشتی سێ‌ وه‌كهه‌ڤی و دۆڕاندنه‌كێ‌ رۆما جاره‌كا دی ڤه‌گه‌ریا سه‌ركه‌ڤتنان و ل یاریگه‌ها خۆ ئولمپیكۆ ب دوو گۆلان بێ‌ به‌رامبه‌ر لسه‌ر جه‌نه‌وا پێشكه‌ڤت، ئه‌لیساندرۆ فلۆرێنسی و سادق عمه‌ر گۆلێن رۆما تۆماركرن، هه‌روه‌سا ئه‌ی سی میلان ژ ده‌رڤه‌ی یاریگه‌ها خۆ سه‌ركه‌ڤتن لسه‌ر فرۆسینۆنی تۆماركر ب چار گۆلان به‌رامبه‌ر دوو گۆلان، و ئینته‌ر میلان لسه‌ر ده‌ستێ‌ مێڤانا خۆ لازیۆ تووشی د‌وڕاندنێ‌ بوو ب دوو گۆله‌كێ‌ به‌رامبه‌ر دوو گۆلان، سه‌رباری ڤێ‌ دۆڕاندنێ‌ ئینته‌ر میلان ب سیهوشه‌ش خالان سه‌ركێشییا خولێ‌ دكه‌ت و یوڤێنتۆس ب سیهوسێ‌ خالان لرێزا چارێ‌ دهێت، و ب كێمترییا دوو خالان رۆما لرێزا پێنجێ‌ دهێت، ئه‌ی سی میلان ب بیستوهه‌شت خالان لرێزا شه‌شێ‌ دهێت، و لازیۆ ب بیستوسێ‌ خالان لرێزا ده‌هێ‌ دهێت.

بابه‌تێن ب ڤێ مژارێ ڤه‌ گرێدای