سه‌رۆكێ هه‌رێمێ د گه‌ل شانده‌كا بلند یا هه‌ده‌پێ دا كۆم بوو

سه‌رۆكێ هه‌رێمێ د گه‌ل شانده‌كا بلند یا هه‌ده‌پێ دا كۆم بوو

وار – دهوك :

مه‌سعوود بارزانی سه‌رۆكێ هه‌رێما كوردستانێ، لجهێ مانا خوه‌ ل ئه‌نقه‌ره‌، دگه‌ل شانده‌كا بلندا هه‌ده‌پێ، ب سه‌رۆكاتییا فیگه‌ن یۆكسه‌كداغ، هه‌ڤسه‌رۆكا وێ پارتێ كۆمبوو.

په‌یامنێرێ وار ل ئه‌نقه‌ره دیاركر‌، مه‌سعوود بارزانی سه‌رۆكێ هه‌رێما كوردستانێ، ئه‌ڤرۆ ئێڤاری لجهێ مانا خوه‌ ل ئه‌نقه‌ره‌، پێشوازی ل شانده‌كا بلندا پارتا دیمۆكراتیكا گه‌لان (هه‌ده‌پێ)، ب سه‌رۆكاتییا فیگه‌ن یۆكسه‌كداغ، هه‌ڤسه‌رۆكا وێ پارتێ كر و پاشان د كۆمبوونه‌كێ دا، هه‌ژماره‌كا بابه‌تان گۆتوبێژكرن.
شاندا هه‌ده‌پێ ژ هه‌ر ئێك ژ فیگه‌ن یۆكسه‌كداغ، هه‌ڤسه‌رۆكا هه‌ده‌پێ و (له‌یلا زانا، محه‌مه‌د فورات، ئه‌حمه‌د تورك و ئوسمان بایده‌میر) په‌ڕله‌مانتارێن وێ پارتێ پێكدهات.
په‌یامنێرێ وار ل ئه‌نقه‌ره دیاركر‌، پشتی كۆمبوونا دگه‌ل هه‌ده‌پێ، مه‌سعوود بارزانی سه‌رۆكێ هه‌رێما كوردستانێ، دگه‌ل به‌رپرس و نوونه‌رێن پترییا پارتێن كوردی ل باكۆرێ كوردستانێ كۆمدبیت
.
دوهی پتریا پارتێن كوردی ل باكۆرێ كوردستانێ، خوه‌شحالییا خوه‌ ب سه‌ره‌دانا سه‌رۆكێ هه‌رێما كوردستانێ نیشاندا و پارتا دیمۆكراتا گه‌لان هه‌ده‌پێ ژی، د راگه‌هاندنه‌كێ دا، پێشوازی ل سه‌ره‌دانا بارزانی یا ئه‌نقه‌ره‌ كربوو.

بابه‌تێن ب ڤێ مژارێ ڤه‌ گرێدای