جڤاتا بلندا په‌ترۆل و غازێ كۆمبوو

وار – دهوك :

جڤاتا بلندا په‌ترۆل و غازێ ل هه‌رێما كوردستانێ، ب سه‌رپه‌رشتییا نێچیرڤان بارزانی، سه‌رۆكێ جڤاتێ كۆمبوو و قه‌یرانا داراییا هه‌رێمێ گۆتوبێژكر.
ل گۆری زانیارییان، ئه‌ڤرۆ ل هه‌ولێرێ، جڤاتا بلندا په‌ترۆل و غازێ یا سه‌ر ب جڤاتا وه‌زیران ڤه‌، ل دۆر قه‌یرانا دارایی یا هه‌رێمێ كۆمبوو و‌ تێدا، وه‌زیرێ سامانێن سرۆشتی راپۆرته‌كێ ل دۆر تێكرایا هنارتنا په‌ترۆلا هه‌رێمێ و داهاتێ وێ پێشكێشكر.
جڤاتا بلندا په‌ترۆل و غازێ، سه‌ر ب جڤاتا وه‌زیران ڤه‌یه‌ و نێچیرڤان بارزانی، سه‌رۆكێ جڤاتێ یه‌ و قوباد تاله‌بانی ژی جێگرێ وی یه‌ و هه‌ر ئێك ژ وه‌زیرێن سامانێن سرۆشتی، پلاندانان و دارایی، تێدا ئه‌ندامن.
ئه‌ڤ كۆمبوونا جڤاتا په‌ترۆل و غازێ، د ده‌مه‌كی دایه‌ كو به‌ریا دو رۆژان، جڤاتێ كۆمبوونه‌كا دی یا 10 ده‌مژمێری كربوو و هه‌ژماره‌یه‌كا راسپارده‌یان بۆ كێمكرنا كاریگه‌ریێن قه‌یرانا دارایی، گۆتوبێژكربوون.

بابه‌تێن ب ڤێ مژارێ ڤه‌ گرێدای