مووچه‌یێن مه‌ها شواتێ دێ هێنه‌ دابه‌شكرن

مووچه‌یێن مه‌ها شواتێ دێ هێنه‌ دابه‌شكرن

وار – دهوك :

لژنه‌یا بلندا به‌رهه‌نگاربوونا قه‌یرانا دارایی یا سه‌ر ب جڤاتا وه‌زیران ڤه، كۆمبوو و چه‌ند بریاره‌ك ده‌رباره‌یی مووچه‌یێ مه‌ها شو
اتێ و پاشكه‌وتكرنا مووچه‌یان ده‌رخستن.

ل گۆری زانیاریێن وار، لژنه‌یا بلندا به‌رهه‌نگاربوونا قه‌یرانا دارایی كو ژ نێچیرڤان بارزانی، سه‌رۆكوه‌زیرێن هه‌رێمێ و جێگرێ وی، قوباد تاله‌بانی و وه‌زیرێن سامانێن سرۆشتی، پلاندانان و وه‌زاره‌تا دارایی، پێكدهێن، كۆمبوون و بریاردا كو ب زووترین ده‌م ده‌ست ب دابه‌شكرنا مووچه‌یێن مه‌ها شوباتێ بكه‌ن و فه‌رمانبه‌رێن مووچه‌یێن وان كێمتر ژ سێسه‌د هزار دیناران، پاشكه‌وت ژێ ناگریت.

دیسان بریاردان كو كێمترین رێژه‌ ژ مووچه‌یێن وه‌زاره‌تا ناڤخوه‌ پاشكه‌وت بكه‌ن و مووچه‌یێن خانه‌نشینێن پله‌یێن تایبه‌ت ژی، ب رێژه‌یا پێنجی ژ سه‌دێ، كێمبكه‌ن.
پێشتر لژنه‌یا بلندا به‌رهه‌نگاربوونا قه‌یرانا دارایی كۆمببوو و بریاردابوو، ئێدی مه‌هانه‌، لگۆری زێده‌بوونا داهاتی، پاشكه‌وتكرنا مووچه‌یان كێمببیت و كێمترین رێژه‌ ژ مووچه‌یان بهێنه‌ پاشكه‌وتكرن.

بابه‌تێن ب ڤێ مژارێ ڤه‌ گرێدای