PDK û YNK: Em hevpeymaniya Fetih û Saîrûn erênî dibînin

PDK û YNK: Em hevpeymaniya Fetih û Saîrûn erênî dibînin

WAAR_Duhok:

Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) di daxuyaniyeke hevbeş de, hevpeymaniya di navbera lîsta Saîrûn a Muqteda Sedir û Fetih a Hadî Amirî de bi erênî binav kirin.

Polîtburoyên PDKê û YNKê daxuyaniyek hevbeş belav kirin û tê de hat, “YNK û PDK, xwe û gelê Kurdistanê ji metirsiya wan kêşeyan, li Kurdistanê û Iraqê dûr xistin û me gelek hewl mezin jî dane, ku berdewam beşek bin ji çareseriyê, li gorî destûr û yasayên hilbijartinan, ji bo wê yekê jî şandên hevbeş ên her du aliyan bi şêwira li gel hev, me serdana hemû aliyên Iraqî kir û me helwesta xwe ji wan re ragihand.”

li ser hevpeymaniya Saîrûn û Fetih ragihandin, “Bi hewla dilsozan ji bo derbasbûna welat ji aloziya siyasî, hewlek bo hevpeymaniya navbera Saîrûn û Fetih hate ragihandin. Polîtbîroyên YNK û PDKê, vê gavê bi erênî dizanin û di baweriya me de, ev destpêka nexşerêyeke siyasî û hevpeymaniyeke baş e ji bo derbaskirina vê rewşa siyasî ku ketiye binbesta siyasî, bê gûman YNK û PDK helwêsteke hevbeş ji xwe nîşan didin û di demeke herî nêzîk de, şandeke hevbeş bo gotubêjan pêk tînin.”

Di beşeke din de a daxuyaniya hevbeş a PDK û YNK de amaje bi wê hatiye kirin: “Hêvîdar in, tevahiya aliyên Kurdistanî û Iraqî, xalên hevbeş bi ser xalên nakok de bixin û pêkve berpirsatiya hikûmeteke lihevkirina niştimanî bo raperandina erkên hevbeş pêk bînin û yekrêziya niştimanî biparêzin.”

Duh, Rêberê Şepêla Sedir Muqteda Sedir û Serkirdeyê Hevpeymaniya Fetih Hadî Amirî ji bo pêkanîna mezintirîn Hevpeymanî di nava parlemantoya Iraqê de lihev kirin.

Babetên bi vê mijarêve girêday

Komênteka Nu Dane

Your email address will not be published. Required fields are marked *

Time limit is exhausted. Please reload CAPTCHA.