هه‌ڤپه‌یمانان كارخانه‌یه‌كا دروستكرنا چه‌كێ كێمیایی ل گه‌یاره‌ ژناڤبر

هه‌ڤپه‌یمانان كارخانه‌یه‌كا دروستكرنا چه‌كێ كێمیایی ل گه‌یاره‌ ژناڤبر

وار – دهوك

فڕۆكه‌یێن شه‌ڕكه‌رێن هه‌ڤپه‌یمانییا نێڤده‌وله‌تی ئه‌ڤرۆ كارخانه‌یه‌كا دروستكرنا چه‌كێ كێمایێ داعشێ ل باشۆرێ مووسلێ كره‌ ئارمانج و ب ته‌مامی ژناڤبر.

فه‌رمانده‌یا ئۆپه‌راسیۆنێن نه‌ینه‌وا د به‌یانه‌كێ دا راگه‌هاندییه‌؛ فڕۆكه‌یێن هه‌ڤپه‌یمانان ئه‌ڤرۆ كارخانه‌یه‌كا چه‌كێ كێمیایی و غازێن قه‌ده‌غه‌كری یا داعشێ ل گوندێ سه‌عیه‌وییه‌ یا سه‌ر ب ناوچه‌یا گه‌یاره‌ ڤه‌ ل باشۆرێ مووسلێ كره‌ ئارمانج و ب ته‌مامی ژناڤبر.

هه‌روه‌سا ئاشكه‌را كر، د هێرشێن پتری 30 تیرۆرستێن داعشێ ل وێ كارخانه‌یێ هاتنه كوشتن، ده‌ما كار ل سه‌ر دروستكرنا بۆمبێن كلۆرێ د كرین.

رێكخستنا داعشێ پشتی شكه‌ستنێن ڤێ داویێ ب ئاوایه‌كێ به‌رفره‌هـ په‌نا بۆ چه‌كێ كێمیایی برییه‌ و ل گۆری راپۆرته‌كا وه‌زاره‌تا به‌رگرییا رۆسیا فیدرال، تنێ د ئه‌ڤ ساله‌ دا پتری 3 جاران ل ئیراق و سووریێ بكارئینایه‌.

بابه‌تێن ب ڤێ مژارێ ڤه‌ گرێدای