دانێل گلاسەر: داھاتێ داعشێ ژ پەترۆلێ ب نیڤی بوویە

دانێل گلاسەر: داھاتێ داعشێ ژ پەترۆلێ ب نیڤی بوویە

وار

نێرینگەھا سووری یا مافێن مرۆڤی راگەھاند: رێکخستنا تیرۆستییا داعشێ مووچەیێن چەکدارێن خوە بۆ پێنجی دۆلاران کێمکریە.‌

بەرپرسەکێ بلند یێ وەزارەتا گەنجینەیا ئەمریکا ژی راگەھاند: ئەو داھاتێ داعشێ ب رێکا پەترۆلێ بدەست خوە دئێخست، کو دوسەد و پێنجی ملیۆن دۆلار بوون، بۆ نیڤیێ کێم بوویە.

دانێل گلاسەر، ھاریکارێ وەزیرێ گەنجینەیا ئەمریکا ئاماژە دا، ھێرشێن ھەڤپەیمانییا نێڤدەولەتی، نزمبوونا بھایێن پەترۆلێ و رێگرتن ل بەر قاچاغ برنا پەترۆلێ، بووینە سەدەم داھاتێ داعشێ بۆ نیڤیێ کێم بیت.
ئاژانسا رویتەرز ئاماژە دا، دانێل گلاسەر، د گۆتارەکێ دا ل سەنتەرێ لێکۆلینان ل واشنتۆنێ ئاشکرا کر، ھەتا دووماھییا سالا بۆری، داھاتێ داعشێ یێ پەترۆلێ دگەھشتە پێنجسەد ملیۆن دۆلاران، لێ نھا ئەو داھات ب نیڤی بوویە و ب تنێ دوسەد و پێنجی ملیۆن دۆلاران ب دەستڤە دئینن.

بابه‌تێن ب ڤێ مژارێ ڤه‌ گرێدای