یلدرم: ژبەر شەرێ ئدلبێ دێ وەلاتیێن سووری ئاوارە بن

یلدرم: ژبەر شەرێ ئدلبێ دێ وەلاتیێن سووری ئاوارە بن

WAAR-دهۆك:

سەرۆکوەزیرێن تورکیا ھۆشداری دان کو پێلەکا دی یا وەلاتییێن سووری دێ ژ بەر شەر و پەڤچوونێن ل ئدلبێ کۆچبەر و ئاوارە بن.
بینالی یلدرم راگەھاند؛ د وی دەمی دا کو دەستپێشخەرییا تورکیا، ئیران و رۆسیا بۆ ئاشتییا بەردەوام ل سووریێ پێشڤە دچیت، رژێما سووریێ ھێرشان دکەت و وەلاتییێن سڤیل ل بەر چاڤ وەرنا‌گریت، ئەو ھێرش ژی دێ بنە ئەگەرێ قوربانییان و ئاوارەبوونا وەلاتییێن وێ دەڤەرێ.
یلدرم راگەھاند ژی؛ ئەو وێ پرسێ د گەل ئیرانێ و رۆسیا گۆتوبێژ دکەن و پێشبینی دھێنە کرن کو ھێرشێن سوپایێ ئەسەدی بەرفرەھـ بن، شەر و پەڤچوونێن نھا ژی دێ بنە ئاستەنگ درێیا چارەسەریا ئاشتییانە دا.
پتر ژ حەفتییەکێ یە سوپایێ رژێما سووریێ ھێرشێن دژوار دکەتە سەر پارێزگەھا ئدلبێ و ب دەھان کیلۆمەتران بەر ب فرۆکخانەیا ئەبو زھوور یێ سەربازی چووینە، ئەو یەک ژی بوویە ئەگەر ب ھزاران وەلاتییێن وان دەڤەران ئاوارە بن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.