ھزرمەندەکێ عەرەب: گەفکرن ل کوردستانێ پرۆسەیا سەرخوەبوونێ ناراوەستینیت

WAAR-دهۆك:

ھزرمەندەک و نڤیسەرەکێ عەرەب راگەھاند؛ گەفکرن ل کوردستانێ پرۆسەیا سەرخوەبوونێ ناراوەستینیت و پێدڤییە حکومەتا ئیراقێ ژی رێکەکا ژیر ھەلبژێریت.
تەوفیق سەیف، ھزرمەند و نڤیسەرێ سعوودی د گۆتارەکێ دا ل رۆژنامەیا شەرقولئەوسەت راگەھاند؛ پێدڤییە ئیراق رێکەکا ژیر ھەلبژێریت و پلانان بۆ دانوستانانا د گەل کوردستانێ دانیت و ل سەر چارەیەکێ د گەل بەرپرسێن ھەولێرێ رێکبکەڤیت.
تەوفیق سەیف راگەھاند؛ گەفێن سیاسی و ئابۆری خەونا گەلێ کوردستانێ بۆ سەرخوەبوونێ ژناڤ نابەن و رەوشێ ڤەناگەریتنە بەری رێفراندۆما سەرخوەبوونا کوردستانێ، بێگۆمان رەوشا کوردستانێ ژی دێ ژ فیدرالییا نھا باشتر بیت.
پشتی رێفراندۆما سەرخوەبوونا کوردستانێ ھەر ئێک ژ ئیراق، ئیران و تورکیا دژاتییا خوە ب چەندین شێوەیان راگەھاندیە، سەرکردایەتییا سیاسییا کوردستانێ ژی بەرھەڤییا خوە بۆ دانوستانان د گەل بەغدا دوپات کرییە، لێ حکومەتا ئیراقێ دانوستانان بەری ھەلوەشاندنا ئەنجامێن رێفراندۆمێ رەت دکەت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.