چاویشئۆغلو: توركیا ژ ئه‌مریكا ئارامتره‌

چاویشئۆغلو: توركیا ژ ئه‌مریكا ئارامتره‌

WAAR-دهۆك:

وه‌زیرێ ده‌رڤه‌ یێ توركیا ره‌حنه‌یێن دژوار ل هۆشداریێن ئه‌مریكا گرتن كو ب وه‌لاتیێن خوه‌ گۆتبوو گه‌شت نه‌كه‌نه‌ توركیا و گۆت: ئارامییا ل توركیا هه‌یه‌ كێمتر نینه‌ ژ یا ئه‌مریكا به‌لكو وه‌لاتێ وی گه‌له‌ك ئارامتره و ئێمنتره‌.
مه‌ولود چاویشئوغلو خویا كر: ئه‌و هۆشداریێن هاتینه‌ دان و توركیا ب وه‌لاته‌كێ مه‌ترسیدار ل قه‌له‌م دای نابیت ژ هه‌ڤپه‌یمانه‌كا مینا ئه‌مریكا بۆ وه‌لاتێ وی ده‌ركه‌ڤیت و نابیت ئێنێرژییا خوه‌ ب هه‌لوه‌ستێن وه‌ها بێ به‌رهه‌م بمه‌زێخن.
چاویشئوغلو ئاماژه‌ دا وێ یه‌كێ كو توركیا ژی هۆشداری دایه‌ وه‌لاتیێن خوه‌ كو گه‌شت نه‌كه‌نه‌ ئه‌مریكا ژبه‌ركو رۆژانه‌ چه‌ندین كه‌س ل ئه‌مریكا دهێنه‌ كوشتن كو گه‌شتیار ژی د ناڤ دانه‌ و نها دژایه‌تییه‌كا مه‌زن بۆ بیانییان ل ئه‌مریكا و ژ ئالیی ئیدارا ترامپی ڤه‌ هه‌نه‌.
ئه‌مریكا هۆشداری دابوونه‌ وه‌لاتێ خوه‌ كو ژبه‌ر تیرۆرێ و گرتنا هه‌ره‌مه‌كی سه‌ره‌دانا توركیا نه‌كه‌ن، توركیا ژی د به‌رسڤێ دا هه‌مان هۆشداری ب وه‌لاتیێن خوه دان.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.