په‌ڕله‌مانی نێزیكی 120 مادده‌یێن په‌یره‌وێ ناڤخوه‌ په‌سه‌ند كرن

په‌ڕله‌مانی نێزیكی 120 مادده‌یێن په‌یره‌وێ ناڤخوه‌ په‌سه‌ند كرن

WAAR-دهۆك:

روونشتنا په‌ڕله‌مانێ كوردستانێ ل دۆر راستڤه‌كرنا په‌یره‌وێ ناڤخوه‌ به‌رده‌وامه‌ و نێزیكی سه‌د و بیست مادده‌یێن په‌یره‌وێ ناڤخوه‌ هاتنه‌ په‌سه‌ند كرن و چاڤه‌رێیه‌ ئه‌ڤشه‌ڤه‌، هه‌موو برگه‌ و مادده‌یێن مایی بهێنه‌ په‌سه‌ندكرن.
ئه‌رشه‌د شوانی په‌یامنێرێ وار راگه‌هاند؛ هه‌ر ژ سعه‌ت ده‌هی سپێده‌هییا ئه‌ڤرۆ، كۆمبوونا په‌رله‌مانی ل دۆر راستڤه‌كرنا برگه‌ و مادده‌یێن مایی ژ په‌یره‌وێ ناڤخوه‌ به‌رده‌وامه‌ و چه‌ند مادده‌یێن نوو هاتنه‌ په‌سه‌ندكرن كو گرنگترین مادده‌ ژی، نه‌هێلانا سكرتێرێ په‌رله‌مانی یه‌ و دانانا دو جێگرانه‌ بۆ سه‌رۆكێ په‌رله‌مانی كو پێدڤییه‌ ئێك ژ وان ژن بیت و ئه‌ڤ گهۆرینه‌ هه‌ر ژ هه‌لبژارتنێن بهێت دێ هێنه‌ بجهئینان.
هه‌روه‌سا مادده‌یێ گرێدایی بودجه‌یا سالانه‌ یا هه‌رێمی ژى هات په‌سه‌ندكرن كو پێدڤییه‌ حكومه‌ت بودجه‌یا خوه‌ یا ته‌خمینكری بهنێریته‌ په‌ڕله‌مانی و په‌ڕله‌مان ل سه‌ر رازی ببیت.
ل گۆره‌یی ئاگه‌هییێن وار، په‌ڕله‌مانی نێزیكی سه‌د و بیست مادده‌یێن په‌یره‌وێ ناڤخوه‌ ده‌ربازكرینه‌ و چه‌ند مادده‌یه‌كێن دوماهیێ ماینه‌ كو ئه‌ڤشه‌ڤه‌ دێ هێنه‌ په‌سه‌ندكرن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.