نەجێگیر بوونا سیاسی ل رۆژھەلاتا ناڤین و دەرەنجامێن وێ ل دەڤەرێ

کاروان کێستەیی

بێ گومان ئێک ژ وان بنەمایێن کو دەولەتێن زلھێز تێدا دبورن جێگیربوون و ژدەست نەدانا بەلانسا سیاسی یە لسەر ئاستێ دەولەتێن ھەرێمی و یێن جیھانی و بەردەوام گرنگی دان ب وان رێکاران یێن سیاساتەتا دەولەتێ پێ جێگیر و بھێز دکەڤیت.
لێ ئەگەر بەراوردیێ بکەین دناڤبەرا رۆژھەلاتا ناڤین و وەلاتێن ئەورۆپی دچەرخێ ئەم تێدا و یێن بەرێ نوکە دێ بینین کو مێژوو ب باشی و خرابیێن خوڤە دووبارە دبیت لێ مەرج نینە دھەمان جھ دابیت ئەم دشێن بێژین ئەو دەمێن رۆژھەلاتا ناڤێن د ئارامیێ و خوشگوزەرانیێ دا وەلاتێن ئەورۆپی د شەرێن ئاینی د و قەیرانا دەست نیشانکرنا سنوران و گەلەک کوشتار و گوڕێن ب کۆم ژناڤ ھەڤدو چێکرن ل وی دەمی ناسنامەیا ئاینی و نەتەوەیی ل ئەورۆپا گرنگیا خوە زۆر ھەبوو لێ ژ ئەنجامێ جێگیرکرنا سیاسەتێ ل وەلاتێن ئەورۆپی باجا وان نەخوشیا ھەمیێ بۆ خوشگوزەرانی و بتنێ خەلکێ ئەورۆپی گرنگی ب ناسناما ھاولاتێ بوونێ دا ، لێ ل رۆژھەلاتا ناڤین کو ناڤدارە ب جیھانا سێیێ ژبەر نە جێگیربوونا بارودۆخێ سیاسی یێن ڤێ ناوچەیێ ئەڤ ئەنجامە ھاتنە ھەبوونێ ئەو ژی گەفەکا مەزن چێبوو لسەر ئێکەتیا نیشتیمانی یا ڤان وەلاتان و ژێک جودانەکرنا کیانێ دەولەتێ و کیانێ ئومەتێ، ئەڤە ژی بۆ ئەگەرێ وێ چەندێ کو ناسناما ئاینی و یانەتەوەی بھێز بکەڤیت ھەروەسا ژلایەکێ دیڤە ئەم دشێن بێژین کو ئەڤ ناوچە نەراستەوخۆ وەکی دابەشکرنێ لێھات لسەر دو جەمسەران ئێک ژ وان تورکیایە کو سوننە مەزھەبە و و یادی ژی ئیرانە و شیعە مەزھەبە کو ب درێژاھیا مێژوویێ ڤان ھەر دو وەلاتان گەلەک کێشە و ململانێ دگەل ئێک ھەبووینە و ئەگەرێ سەرەکی ڤەگەریایە بۆ مەزھەبێن وان یێن ژێک جودا و ب بورینا دەمی تاکو گەھشتینە پەیوەندیێن سیاسی و نیڤدەولەتی لێ ھەر ب تامەکا مەزھەبگەری ڤان پەیوەندییان بڕێڤەدبەن و ڤان دو وەلاتان دەستەکێ بالا ھەبوویە د تێکدانا بارودۆخێ ڤێ ناوچەیێ ژبۆ بەرژەوەندیێن خوە یێن تایبەت و پەیدابوونا توند و تیژیێ و دەستدرێژی کرن لسەر ئاخ و پیرۆزیێن ھەڤدو وئەڤ چەندە بوویە ئەگەر کو ھەر دەولەتەک لڤێ ناوچەیێ خوە بکەتە ھەڤپەیمان دگەل دەولەتەکا دی یا ژدەرڤەی ناوچەیێ و بڤی رەنگی رۆژھەلاتا ناڤێن بوویە بنگەھەکێ سەرەکێ یێ وەبەرھێنانا بیانی و ھاتنا کۆمپانیێن فرەرەگەز کو پتریا ڤان کۆمپانیا کارێ وان یێ سەرەکی سیخۆریە و پاش بازرگانی و ھەروەسا ئەڤ چەندە بو ئەگەرێ ھندێ کو دەڤەر تووشی داگیرکرنا نەراستەوخۆ ببیت ژلایێ ڤان وەلاتێن خودانێن کۆمپانیانڤە.
لداویێ ب دیتنا من ئەگەر ئەڤ وەلاتێن ب ھێز یێن رۆژھەلاتا ناڤین ھەر بڤی شێوەی رەفتارێ بکەن دێ بیتە ئەگەرێ زۆرتر تێکدانا بارودۆخێ دەڤەرێ ژبەرکو بدیتنا من ئەڤ ناوچەیە لاندکا شارستانیەتێ و روحا ژیانا مرۆڤایەتیێ یە و ھەروەسا زۆرا زەنگینە ژلایێ ئابووری ڤە لەورا گڤاشتنەکا زعۆۆر ژ لایێ دەولەتێن جیھانی ڤە لسە ر ھەیە ئانکو باشتر ئەوە ئەڤ وەلاتە پێگەھێ خوە یێ سیاسی و ئابووری بپارێزن ژ ململانێ و مایتێکرنێن دەرەکی.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.