نڤیسەرەکی عەرەب: پرسا کوردی عەقلێ عەرەبان شەرمزار کر

نڤیسەرەکی عەرەب: پرسا کوردی عەقلێ عەرەبان شەرمزار کر

WAAR-دهۆك:

نڤسەرەکێ ناڤدارێ عەرەب د گۆتارەکێ دا ب ناڤێ پرسا کوردی عەقلێ عەرەبان شەرمزار دکەت بەلاڤ کریە و راگەھاند؛ زۆرداریکرن ل کوردان ئێک تشتە، چ ژ ئالییێ سەدامی بیت یان ژ ئالییێ حکومەتا شیعە یا بەغدا بیت.
مەئموون ئەفەندی، نڤیسەرێ ئەمریکی یی ب رەگەز مسری، مامۆستایێ زانستێن سیاسی ل زانکۆیا جۆرج تاون، گۆتارەکا رەخنەیێ ھمبەر رایا گشتییا عەرەبی ل دۆر رێفراندۆما سەرخوەبوونا کوردستانێ، د رۆژنامەیا شەرقولئەوسەت دا نڤیسیە و گۆت؛ ئەڤ جارە عەرەب شەرمزار بوون.
ئەفەندی ئاشکرا کر؛ رایا گشتییا عەرەبی بێ ھزرکرن ھەلوەستێ خوە دیار دکەن، ئسرائیل د گەل کێ بیت دژاتیا وی دکەن و ئیران دژی کێ بیت دێ د گەل دا بن، لێ ئەڤجارە د پرسا کوردی ھەڤکێشیا عەرەبان تووشی شەرمزاریێ بوو، ژبەر ھەلوەستێن جودا یێن ئیرانێ و ئسرائلێ ل دۆر رێفراندۆما سەرخوەبوونا کوردستانێ.
ئەفەندی ئاشکرا کر؛ دەمێ ئسرائیلێ پشتەڤانییا خوە بۆ کوردان ئاشکرا کری، عەرەب دژی راوەستیان، لێ ب ھەمان شێوە ئیرانێ ژی دژاتیا خوە دیار کر، پێدڤییە عەرەب بەرۆڤاژی ئیرانێ بریارێ بدەن.
مەئموون ئەفەندی گۆت؛ گەر عەرەب پشتەڤانێن دەولەتا کوردستانێ بن، دێ چنە د بەرەیێ ئسرائیلێ دا، ھەکە دژ ژی بن دێ چنە د بەرەیێ ئیرانێ دا، ئەو یەک ژی د ھزرێن عەرەبان دا ئێک ناگرن، ژبەرکو عەرەب ھەلوەستێن خوە ل دووڤ ئیرانێ و ئسرائیلێ دیار دکەن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.