عیراقا بەری سەری هەیڤێ، چاوایە؟

سالح زیبارى

پشتی ریدانێت شازدێ ئوکتوبەرێ کو ب پیلانەک نافخۆیی و رازیبوون و سەرپەرشتتیا دەرەکی ل دژی ھیڤیی و ئومێدێن کوردستانێ ھاتنە گێران و ئەو مەترسی و زیانێن ب کوردستانێ گەھشتی و ئەو غرور و دفن بلندیا ل دەف ھندەک سەرکردێن عیراقێ دروست بووی، وەکرییە کو جادا کوردستانی جورە بێھیڤیبوونەک ل دەف دروست ببیت، تایبەت ل وێ خیانەتا کالفام و فێسبۆکباز و سنێلێن سیاسی ل ناف ئالیەکێ سیاسی دا کو ھەمی تشتەک ئێخستە بەر مەترسیا ھێزێن حەشدا شەعبی کو پێگیری چو یاسایەکا ئەردی و ئەسمانی نینن.  پشتی ڤان ریدانان پێنگاڤا دوویێ دەست پێکر کو درێژکریا پیلانا شازدێ ئوکتوبەرێ یە، ئەو ژی ئەو گۆتنێن زۆرێن سەرۆک وەزیرێن حکومەتا فیدرالن حەیدەر عەبادی ھەر ھەفتیێ جارەکی پتر ژ مەلایەکێ کو ل سەر مینبەرەکێ تاخڤیت بەحس ژ رەوشا ھەرێما کوردستانێ دکەت؟! ھەر کەسێ نەشارەزایێ لوژیکی بەغدا بیت دێ ھوسا تێگەھیت ئەڤە فریادرەسێ گەلێ کوردە. ب گۆتنێن خوە عەبادی دو مەرەم پێ ھەنە بەرامبەر کوردستانێ، یا ئێکێ ئەوە کو دڤێت ئالوزیی بکەڤیتە ناڤبەرا ئالیێن کوردستانی تایبەت پارتی دیموکراتی کوردستان و ئێکەتی نیشتیمانی کوردستان و ھەتا براکوژیی بچیت. ھەروەسا ل خالا دوویێ دڤێت کوردستان ببیتە دوو ئیدارە و ل داویێ ئێک ب ئێک ژ ناڤببەت. ئەڤ چەندە ژی ل پرۆژە یاسایا بودجێ عیراقێ بو سالا (٢٠١٨) دیار بو کو کیانێ دەستورێ یێ کو ھەرێما کوردستانێ لادایە و ب پارێزگەھێن باکوری!! ئاماژە ب کوردستانێ کریە. ھوسا دیار دبیت کو عەبادی خوەدیێ ئاقلێ ڤەکری! ل رێککەفتناما یازدێ ئادارێ ژی پەشیمان بویە.   پشتی ئەو قەیرانا کوردستان ڤەگرتی ل سالا ٢٠١٤ ھەتا نھا، کو بارێ گران کەفتە سەر ملێن فەرمانبەران و ھەتا نھا ژی بەردەوامە و بێن درێژیەک زۆر ھەبوویە، فەرە حکومەتا ھەرێما کوردستانێ ھەمی پێکولان بکەت کو ئەو کریزە ب داویی بێت ھەروەسا ب پلانەکا توکمە نەھێلیت دووبارە ببیت و ھەمی فاکتەرێن کو کاریگەریەک خراب ھەبووی کوردستان بکەڤیتە ڤێ قوناغێ نەھێلن بمینن. ئەڤی سەروبەری خەلک تورە کریە و بەرێز عەبادی ژی کەسەک شارەزایە و ل ڤی وەتەری ددەت و دبێژیت ئەز دێ موچێن فەرمانبەر و پێشمەرگەی دەم .ئەگەر راستە حکومەت بەرھەڤە ھەمی داتا و زانیارییان دانیتە بەر حکومەتا فیدرال بلا عەبادی کەرەم بکەت و سوزا خوە ببتە سەری.  ئەڤان گۆتنان کاریگەری ل سەر پشکەک زۆر ژ مووچەخوران کریە و نھا دا داخاز دکەت کو عەبادی ببیتە رزگارکەرێ وان ل ڤان کاودانان. ئەرێ عیراق ل وی ئاستی یە کو گەلێ کورد پشتی ھەمی نەخوشیان خوزیان پێ بخۆت؟.عیراق بەس سەرێ ھەیڤێ نینە واتا بەس مووچە تنێ ژیان نینە و ئەگەر ئەم سەحکەینە کەنالێن عیراقی کو چاوا بەحس ژ رەوشا ناڤەراست و باشورێ عیراقێ دکەن ل ھەمی بیاڤەکێ ڤە دێ باش دیار بیت کو کوردستان نمونەیەکە سەرەرایێ ھەمی کێم و کورتێن کو ھەیی بەلێ چو جاران ب دەولەتەکا وەکی عیراقێ ناھێتە ھەمبەرکرن ژ بەرکو عیراق بوویە مەیدانەک بۆ ھەمی ئالیەکێ پارچە گوشتەک کو شەرە ل سەر. عیراق بەر سەرێ ھەیڤێ ب چو ئاواییە:• ل عیراقێ دا یاسا بەردەوام تێتە بنپێکرن و دادگەهـ ل بەر ھەبوونا نیزیکی حەفتێ گرۆپێن حەشدا شەعبی ب ھیچ ئاوایەکێ نەشێت رولێ خوە ببینیت.• نەپاراستنا مافێن پێکھاتێن ئولی و مەزھەبی و نەتەوەی د عیراقێ دا و باشترین گروڤە ژی ل بەرچاڤە کو ب چو ئاوا سەرەدەریێ ل گەل کوردان دکەن ل بەغدا و دەڤەرێ کوردستانیێن دەرڤەی ھەرێمێ و ھەروەسا سونەیێن مووسل و دیالا و جورف سەخر و سەلمان بێگ و مووسل ..• نە پاراستنا مافێن زارۆکان و ژنێ، ل داویی پێنگاڤا پارتێن حەشدا شەعبی ئەوە کو دڤێت (یاسایا بارێ کەسی =  قانون احوال شخصیە) یا سالێن پێنجیێ بگوھرن بو یاسایا (الجعفری) کو رێکی ب شوو دانا (القاصیرات) واتا کچا بن دەهـ سالیێ ژی ددەت شوو بکەت! ھەروەسا ب سەربازکرنا زارۆکان ژ ئالیێ حەشدا شەعبی ڤە و (غسل الدماغ) کرنا وان بەردەوامە دۆر ژ ھەمی یاسا و رێسایەکێ.• بن پێکرنا دەستوری ژ لایێ بەغدا ڤە ژی بەردەوامە و ل ئالیی دیتر داخازا جێ بەجێ کرنا دەستووری ژی دکەت.• عەبادی دەمێ دبێژیت شەرێ دئێت ل گەل گەندەلیێ یە، واتایەک مەزن ددەت ژ بەرکو عیراق کەفتیە ناڤ مەزنترین بیرا گەندەلیێ و ل پلێن ئێکێ یە ل سەرانسەرێ جیھانێ و عیراقا سەرێ ھەیڤێ کو موچەی ددەت واتایا ھندێ نادەت کو شاما شەریفە.• ل عیراقێ دا دەولەت ل ناڤ دەولەتێ داھەیە و ھەمی ئاماژە بو ھندێ دچن کو عیراق وەکی ئیرانێ ل دئێت و دەسەلاتا روحی دبیتە خوەدیێ حکومەت و سوپایێ خوەیێ مەھەزبی و دەولەت ژی خوەدیێ حکومەتەک لاواز.• ئەو عیراقا گەفێن پاراستنا ھەمیی عیراقیان دکەت، رێگرە ل ڤەگەریانا نیزیکی ئێک ملیون ئاوارێن سوننە.• بەلاڤبونا رێژەکا زۆر ژ بێکاریێ ل سەرانسەرێ عیراقێ، ئەگەر بەرێز عەبادی راست دکەت بۆچی چارەسەریا بێکارەیێ ناکەت.• بەلاڤبونا رێژەکا زۆر ژ بکار بەرێن (مخدراتان) کو ل داویی ئامار دا ل دەمێ نیزیکی سالەکێ دا تنێ ل پارێزگەھا بەسرا (١٣٠٠) بازرگانێن موخەدراتان ھاتینە گرتن.• بەردەوام بونا دیاردێن رەڤاندنێ (اختیتاف). ل ھەمی پارێزگەھێن عیراقێ. سەرەرایێ ھەبونا حالاتێن کوشتن و پەقاندنا ترومبێلان.• عیراق بویە وەلاتەک چو سەروەری نینن، ھەتا نھا دەھان دەولەتان سوپا ل عیراقێ ھەیە. ل داویێ فەرە کو حکومەتا ھەرێما کوردستانێ چەند پێنگاڤان پاڤێژیت:• ھەمی ھەولەک بێتەدان کو ئێک رێزیێ بۆ ناڤ مالا کوردی بزڤریت و ئەو دەستکەفیێت ھەی بپارێزن.• بەردەوامی دان ب زمانێ دیالوگی ل گەل بەغدا.• بەردەوامی دان ب پرۆسا چاکسازیێ .• پەیوەندی کرن ل وەلاتێن دەڤەرێ و جیھانێ بو ھاریکاری کرنا کوردستانێ. ل داویێ فەرە ھەمی کوردەک باش بزانیت عیراق ل قوناغەک نەخوش دایە و چو ھیڤیەک ل سەر وەلاتەک وێران ناگەھیتە ئەنجام.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.