شاندا كوردستانێ دگه‌ل وه‌زیرێ ناڤخوه یێ ئیراقێ‌ كۆمبوو

شاندا كوردستانێ دگه‌ل وه‌زیرێ ناڤخوه یێ ئیراقێ‌ كۆمبوو

WAAR-دهۆک:

شاندا حكومه‌تا هه‌رێما كوردستانێ ئه‌ڤرۆ ل به‌غدا دگه‌ل وه‌زیرێ ناڤخوه‌ یێ ئیراقێ ل دۆر فرۆكخانه‌ و ده‌ریێن سنۆری یێن هه‌رێمێ كۆمبوو.
ل گۆره‌یی زانیاریێن وار، شاندا هه‌رێما كوردستانێ كو ژ كه‌ریم شنگالی وه‌زیرێ ناڤخوه‌ و مه‌ولود باوه ‌موراد وه‌زیرێ ڤه‌گوهاستنێ پێكهاتییه‌، ل به‌غدا دگه‌ل قاسم ئه‌عره‌جی وه‌زیرێ ناڤخوه‌یا ئیراقێ كۆمبوویه‌ و باس ل ڤه‌كرنا فرۆكخانه‌یێن هه‌رێمێ و چه‌وانییا برێڤه‌برنا ده‌ریێن سنۆری كرییه‌.
حكومه‌تا ئیراقێ لژنه‌یه‌ك ب سه‌رۆكاتییا مه‌هدی عه‌لاق ئه‌میندارێ گشتی یێ جڤاتا وه‌زیران بۆ كۆمبوونێ دگه‌ل شاندا هه‌رێمێ پێكئینایه‌ و ئه‌ڤرۆ شاندا هه‌رێمێ دێ ژماره‌یه‌كا كۆمبوونان دگه‌ل وێ لژنێ كه‌ت.
پشتی رێفراندۆما سه‌رخوه‌بوونا كوردستانێ و سزادان و دۆرپێچكرنا هه‌رێمێ ژ ئالیێ به‌غدا ڤه‌، هه‌رێم و به‌غدا چه‌ندین كۆمبوون ل سه‌ر ئاستێ سه‌ربازی كرینه‌، لێ ل سه‌ر ئاستێ سیاسی ئه‌ڤه‌ ئێكه‌م كۆمبوونا فه‌رمی یه‌ دناڤبه‌را هه‌ردو ئالییان دا دهێته‌ كرن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.