شاندا جڤاتا بلندا رێفڕاندومێ سوبه‌ دێ چیته‌ به‌غدا

شاندا جڤاتا بلندا رێفڕاندومێ سوبه‌ دێ چیته‌ به‌غدا

WAAR-دهۆک:

شاندا جڤاتا بلندا رێفڕاندۆمێ یا سه‌ره‌دانا بەغدا، سوبه‌ دێ سه‌ره‌دانا به‌غدا كه‌ن و ل دۆر رێفراندا سه‌رخوه‌بوونێ دانوستاندنێن فه‌رمی دگه‌ل ئالییێن ئیراقی ده‌ستپێكه‌ن.
شاندا جڤاتا رێفراندۆمێ بۆ بەغدا، دوهی ل دیوانا سەرۆکاتییا ھەرێما کوردستانێ ب سەرپەرشتییا د. رۆژ نووری شاوەیس كۆمبوو و گۆتوبێژا تەوەرێن و ئەجیندایێن سەرەدانا چاڤەڕێکری یا بەغدا کرن و پاشان ئه‌و شانده‌ دگەل مەسعوود بارزانی سەرۆکێ ھەرێما کوردستانێ و جێگرێ وی كوسره‌ت ره‌سوول عه‌لی کۆمبوو و بریاردا سوبه‌ رۆژا دوشه‌مبی ب به‌رنامه‌یه‌كێ ریكخستی سه‌ره‌دانا به‌غدا بكه‌ن.
ل گۆری زانیاریێن وار، شاندێ جڤاتا بلندا رێفراندۆمێ دێ ب فەرمی بەرپرسێن ئیراقی ھایدار کەت کو ھەرێما کوردستانێ دێ ل بیست و پێنجی ئیلۆنا ئەڤسالە رێفراندۆمێ بۆ سەرخوەبوونێ کەت و هه‌موو بنپێكاریێن حكومه‌تا ئیراقێ ل سه‌ر دستووری ژی كرین، كو ب گۆتنا سه‌رۆكێ شاندی پتری 50 مادده‌یێن دستووری هاتینه‌ بنپێكرن و هه‌موو ب ئاوایێ راپۆرته‌كێ هاتینه‌ نڤێسین و شاندا هه‌رێمێ دێ وان بنپێكارییان دانیته‌ به‌ر ده‌ستێ به‌رپرسێن ئیراقی.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.