سێگوشەیا بەرمودا یا کوردستانێ و سێگوشەیا بەرمودا ل ئەمریکا

رێڤینگ شێخکی

کەس ژ مە نینە گوە ل ناڤ و ترسا سێگوشەیا بەرمودا نەبووی گومان تێدا نینە کو یەک ژ مەترسیترین جھێن جیھانێ یە، ترسا ڤێ سێگوشێ ھن مەزنە ھەتا وی رادەیە کو گەلەک ناڤێن بترس لێ داینە وەکو (سێگوشەیا خوینێ، گورستانا روحان، سێگوشەیا مرنێ) ئەڤی جھی ب سەدان زانا و گەردوون ناس دناف خۆ دا بەرزەکرینە و گوری خۆ کرینە، ب سەدان فروکە و کەشتیێن ئاڤێ د ڤێ سێگوشەیێ دا ون بووینە و تانھا چ کەس و لایەن نەشیاینە نھێنیا ترسا ڤی جھی بۆ چ تشتی یە دیاربکەن، لێ وەکو یا خویا ئەگەر تو پێکولا نێزیک بوونا ڤی جھی نەکەی نە دمری نە ژی وندا دبی و نە ترسا وێ دبینی بتنێ ھەست و ناف ترسیا وێ دێ مینیت دسەرێ تەدا، ئەگەر ئەم بەراوردیا سێگوشەیا بەرمودا یا ل ئەمریکا و سێگوشەیا بەرمودا کوردستانێ بکەین دێ بۆ مە خویابیت دگەلەک خالان دا وەک یەکن ئەڤ ھەر دو سێگوشەیە گەلەگ بترسن سەھما وان د دلێ مەھەمیان دایە و ھەردو مروڤێن ھێژا وندا دکەن د جەنگێن رووبرووبوونێ دا چ تشتەک خۆ ل ھەمبەری ترس و زولم و ھێزا وان ناگریت چیایان دحەلینن، دەما ناڤێ وان دھێت گۆتن ل جڤاتەکێ ھەمی تشت خۆ بۆ دچەمیێن، سێگوشەیا بەرمودا کوردستانێ گەلەک ژ یا ئەمریکا بترسترە پتر قوربانی ھەنە ژ بەرکو ل ئەمریکا ئەگەر ھزرا چوونا وێ نەکەیە پراکتیک و نەچیێ دێ ژ زیانێن وێ یێ دووری بی و ھێرشی تە ناکەت لێ ئەف جھێ بترسێ ل کوردستانێ گەلەک جارا ژ نشکەکێ ڤە ھێرشی تە دکەت بێی ھەبوونا ھیچ سەدەمەکێ پێکولا ژناڤ برنا تە دکەت ھەلبەت تشتێ ژ ترسا وێ بترس تر ئەو هێزا ڤەشارتیا ئەوا ل پشت وێ گەلەک جارا وەسا ھزردکەم خوداوەندەک ل پشت هێز و ترس و سەھما ڤێ سێگوشێ ھەیە لەومان ژی گەلەک مرید و شاگرد ھەنە د بازنەیێ دەستھەلاتێن خۆ دا ھەرتشتی قوربانا گەھشتنا ڤی جھێ مەترسی دار دکەن دڤی وەلاتی دا چ نێرەکێ بێی دەستھەلات نینە گوری دەستھەلاتا ڤێ سێگوشەیێ نەبووی.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.