سیده‌كان.. شه‌ڕ دناڤبه‌را په‌كه‌كێ و سوپایێ توركیا دا روودا

سیده‌كان.. شه‌ڕ دناڤبه‌را په‌كه‌كێ و سوپایێ توركیا دا روودا

WAAR-دهۆك:

ئه‌ڤرۆ ل سنۆرێ سیده‌كان ل هه‌رێما كوردستانێ رووبرووبوون د ناڤبه‌را سوپایێ توركیا و گه‌ریلایێن په‌كه‌كێ دا چێبوو و بۆ ده‌مێ چه‌ند ده‌مژمێران سوپایێ توركیا بنگه‌هێن په‌كه‌كه‌ ل ده‌ڤه‌رێ تۆپباران كرن.
ئێحسان چه‌له‌بی، رێڤه‌به‌رێ ناوچه‌دارییا سیده‌كان تایبه‌ت بۆ وار گۆت: به‌رده‌وام ئه‌و حاله‌ت ل وێ ناوچه‌یێ چێدبن و ره‌ت كر كو هه‌تا نها سوپایێ توركیا چ ئۆپه‌راسیۆن ل وێ ناوچه‌یێ كربن.
چه‌له‌بی گۆت ژی: هه‌ر شه‌ڤ ل نێزیك هنده‌ك گوندێن سیده‌كان ئه‌و جۆرێ روبروبوونا د ناڤبه‌را سوپایێ توركیا و په‌كه‌كێ دا چێدبن.
ژ ئالیێ خوه‌ ڤه به‌رپرسێ له‌شكه‌ری یێ په‌كه‌كێ‌ رێڤان وه‌لاتى د داخویانییه‌كا میدیایی دا خویا كر: سوپایێ توركیا بزاڤا ئۆپه‌راسیۆنه‌كا له‌شكه‌ری ل چه‌ند گوندێن سیده‌كان دژی وان كر لێ ئه‌و شیان بزاڤا وان تێكبشكێنن و پلانا وان ژناڤ بر.
وه‌لاتى دیار كر ژی: د ڤان رۆژان دا سوپایێ توركیا دخواست بهێته‌ ناڤ گوندێن كانیا ره‌ش و گه‌لیێ ره‌ش و گه‌لیێ حاجی به‌گ و گردێ ماوا دا، لێ په‌كه‌كێ رێ ل وان گرتییه‌.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.