سپۆتنیک.. ئەمریکا دژی رێفراندۆم و سەرخوەبوونا کوردستانێ نینە

سپۆتنیک.. ئەمریکا دژی رێفراندۆم و سەرخوەبوونا کوردستانێ نینە

WAAR-دهۆک:

ئاژانسا سپۆتنیک یا رۆسی بابەتەکێ شرۆڤەکاری ل دۆر پرسا رێفراندۆما سەرخوەبوونا کوردستانێ بەلاڤ کریە و ھەلوەستێ ئەمریکا ل دۆر وێ یەکێ ئاشکرا کر و راگەھاند؛ ئەمریکا دژی رێفراندۆم و سەرخوەبوونا ھەرێما کوردستانێ نینە.
مەحموود بۆزئەرسەلان، شرۆڤەکارێ سیاسی یێ تورک بۆ ئاژانسا سپۆتنیک راگەھاند؛ ئەمریکا پێدڤییا ب کوردان ھەی و واشنتۆن دژی رێفراندۆما ھەرێما کوردستانێ نینە، پشتەڤانەکا مەزن یا سەربازی و سیاسی ژی بۆ کوردان کرییە.
بۆزئەرسەلان گۆت ژی؛ ئەمریکا ئاماژە ددەت کو پشتەڤانیێ ل ئیراقەکا فیدرال دکەت، لێ یا راست واشنتۆن ھەبوونا دەولەتەکا کوردی یا سەربخوە ب باشتر دزانیت.
ژ ئالییەکێ دی شارەزایەکێ بەرنیاس یێ وارێ سەربازی یێ ئەمریکی بۆ ئاژانسا رۆسی راگەھاند؛ کورد ھێزا ئێکانەنە ل ئیراقێ و سووریێ ئەمریکا باوەریێ پێ دکەت.
گۆت ژی؛ ئەمریکا پێدڤییا ب کوردان ھەی و بەرانبەری وێ یەکێ ژی دێ سۆزا سەرخوەبوونێ دەتێ، یان دێ ھاریکاریا وان بۆ سەرخوەبوونێ کەت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.