حوکمەتا ھەرێمێ پشتەڤانییا خوە بۆ تەخا لاوان دوپات کر

حوکمەتا ھەرێمێ پشتەڤانییا خوە بۆ تەخا لاوان دوپات کر

WAAR-دهۆك:

حکومەتا ھەرێما کوردستانێ پشتەڤانییا خوە بۆ تەخا لاوان ژ بۆ ب دەستڤەئینانا مافێن وان دوپات کر.
حکومەتا ھەرێما کوردستانێ د پەیامەکێ دا کو ب ھەلکەفتا رۆژا جیھانی یا لاوان بەلاڤکریە، پیرۆزباھی ل لاوێن کوردستانێ و جیھانی کر و رۆلێ لاوێن کوردستانێ بلند نرخاند و گۆت: لاوان دوھییا کوردستانێ ب خەبات و قوربانیدانا خوە، ژ ستەم و دکتاتۆریێ رزگارکر، ئەڤرۆ ژی د سەرکرداتیکرن و رێڤەبرنێ دا خزمەت دکەن و رۆلێ خوە دگێرن.
حکومەتا ھەرێمێ، ئاماژەکر نھا کوردستان د قۆناغێن ھەستیار دا دەرباز بیت، مژوولی پێنگاڤێن دیرۆکی نە بۆ دیارکرنا چارەنڤیسێ خوە، کو ئەرکەکێ مەزنتر کەڤیتە سەر مللێن وان، تا رۆلێ خوە ل دیارکرنا چارەنڤیسێ گەل و وەلاتێ خوە ب دەستڤەئینانا مافێن خوە یێن رەوا ب گێرن.
د وێ پەیامێ دا حکومەتێ پشتەڤانییا خوە بۆ دابینکرنا مافێن لاوان ژبۆ دیتنا دەلیڤەیێن کاری و مسۆگەرکرنا ژینگەھەکێ کو تێدا ژیانەکا باشتر بۆ بھێت دروست کرن دوپاتکر.

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.