جاما جیهانی ل رۆسیا دەستپێ دکەت

جاما جیهانی ل رۆسیا دەستپێ دکەت

WAAR-دهۆك:

جاما جیهانی یا تەپا پێی نها ل رۆسیا دەستپێ دکەت و پشتی ئاهەنگا دەستپێکی، ئێکەم یاری دێ د ناڤبەرا رۆسیا و ئەرەبستانا سعوودیێ دا هێتە کرن.
نها ب فەرمی رێورەسمێن جاما جیهانی ل یاریگەھا لۆزنیکی ل مۆسکۆ دەست پێ دکەن و ئاھەنگێن مەزن بۆ دەستپێکرنا هەڤڕکیێن جاما جیهانی دھێنە کرن، ژمارەکا کەسایەتیێن جیھانی یێن مینا ڤلادیمێر پۆتین، سەرۆکێ رۆسیا و ژمارەکا یاریکەرێن دێرینێن ته‌پاپێى پشکدار بووینە.
د خشتەیێ یارییان دا ئەڤرۆ تنێ دێ یاریا د ناڤبەرا رۆسیا کو وەلاتێ مێڤاندارە و ئەرەبستانا سعوودیێ دا ل مۆسکۆ هێتە کرن، هەڤڕکی تا مەھەکا دی دێ بەردەوام بن و ل ھەمان رۆژ ل مەھا بھێت، دێ یاریا فینالێ ھێتە کرن.
د مۆندیالا ئەفسالە دا وەک ھەر جار پشکا ھەرە مەزن یا پشکداران ژ کێشوەرێ ئەورۆپا نە کو چاردە ھەلبژارتی نە، ژ کێشوەرێن ئەمریکا ژی هەشت ھەلبژارتی و پێنج هەلبژارتیێن دی ژ کیشوەرێ ئەفریقیا نە و هەروەسا ژ ئاسیا چار و زێدەباری ئۆسترالیا پشکداری ڤێ مۆندیالێ بووینە.
دگەشتێن وار یێن سپۆرێ دا نووچە و زانیاریین زێدتر لبارا مۆندیالا دوهزار و هەژدێ یا رۆسیا دێ بۆهه‌وه‌ هێن دیارکرن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.