ب خێر وەرە کوردستانا سەربخوە…

بووبێ ئەسەر

ھەر کو رەوشا کوردان بەرب باشبوونێ ڤە دھارە، تو دبینە و دبە شاھیدێ وێ یەکێ کو ھن ژ ناڤا کوردان تم ژی ژ بۆنا ڤێ ھێژایی ئانگۆ باشیێ تێک ببن کار و خەباتێ دکن. نانێ ژاھری کو دژمن داڤێژە بەر وان دخون. پێ نامرێن لێ ژ بۆنا بێتر خەرابیان بکن پێ ھار دبن.
من گەلەک جاران ئانیێ زمێن، نڤیسیە و گۆتیە کو ھەگەر نە ژ جاھش، خاین و خوەفرۆشێن ناڤا مە کوردان با، نھا ھەر چار پەرچێن کوردستانێ ھاتبوون ئازاد کرنێ.
لێ ئەم دبینن کو داربەیێن مەزن، خاینتیێن بێ ھەمپا ھن کورد ب خوە دکن دا کو وەلاتێ وان ئازاد نەبە. کینە وان کوردانا؟
وانا ئەو کوردێن بوونە زلام و پێگرتێن داگرکەران. وانا ئەو کوردێن ژ بۆنا کورد نەبن خوەدی دەولەت کار دکنن. وانا ئەو کوردێن کو ل سەر ناڤێ کوردان، لێ ژ بۆنا ھەمی ھێژاییێن کوردان تێک ببن کار دکنن.
نھا باش بالا خوە بدنێ و ببینن؛ پشتی وێ خەنجەرا ژاھری کو د ١٦ جۆتمەھا ٢٠١٧ان دە ل پشتا بارزانیا کەتبوو، ھنان کێف کرن کو ئێدی وێ بارزانی تێک ھەرن و ئارمانجا وانیا ژ بۆنا کوردستانەکە سەربخوە ژی دێ نەمینە.
لێ ھێ دژمن و پێگرتێن وان ئەڤ یەکا فێم نەکرنە کو ئەڤ نە جارا ئەول و نە ژی جارا تالی بە کو خوەفرۆش و داگرکەران ئانین سەرێ بارزانیان و وێ ھێ بخوازن بینن.
پشتی وێ خەنجەرا ژاھری و ھەتا ئیرۆ وەکە ھەمی جاران ڤێ جارێ ژی بارزانی نەسەکنین کار و خەباتێن خوە ژ بۆنا کوردستانەکە سەربخوە ھەر بەردەوام کرن و دکن. لێ….
لێ ئەم نھا دبینن و دبن شاھیدێ وێ یەکێ کو دیسا و ژ نوودە ھن کوردێن پێگرتێن داگرکەران ژ بۆنا کار و خەباتێن بارزانیا ب سەر نەکەڤە، ل گۆر داخوازێن داگرکەران دیسا کەتنە ناڤ کار. چ دکن؟
نھا ژی وەکە گەلەک جاران کارێن خوەێن ژ بۆنا تەکۆشینا بارزانیان تێک ببن دخەبتن و دکن. ڤێ یەکێ ژی د شەخسیەتا رێزدار سەرۆکوەزیرێ کوردستانێ نێچیرڤان بارزانی دکن.
ب ھەمی مەدیایێن خوە، ب ھێز و قاوەتێن خوە، ب ھەمی تەڤگەر و چالاکیێن خوە نھا کەتنا ناڤا کارێ ژ بۆنا خەباتێن برێز نێچیرڤان بارزانی ل بەر چاڤێن گەلێ کورد رەش و خەراب بکن. ژ بەر کو ڤانا ژ رۆناھیێ دترسن.
لەورا خوەفرۆش، پێگرتێن داگرکەرانیێن کورد و خولامۆک باش دزانن کو ھەتا بارزانی ھەبن وێ ئارمانجا کوردستانەکە سەربخوە ژی ھەر بدۆمە. لەورا ژی ڤان خاینان، ڤان خوە فرۆشان دخوازن د شەخسیەتا برێز نێچریڤان بارزانی دە ھەمی کار و خەباتێن بارزانیان ل بەر چاڤێن کوردان نەباش رێ بدن.
ئەڤ کار و ھەلوەستێن داگرکەران، نە ژ نھا دەیە. ژ رۆژا وان کوردستان داگرکرنە و ھەتا نھا، کارێن وەھا قرێژ ب دەستێن ھن کوردێن خوەفرۆش مەشاندنن، تو جاران ب سەرنەتنە و دێ ب سەر ژی نەکەڤن.
نھا ژی برێز سەرۆکوەزیرێ کوردستانێ نێچیرڤان بارزانی وەکە سەرۆکوەزیرەک زیرەک، ژێھاتی و کێرھاتی کار و دیپلۆماسیا خوە ژ بۆنا کوردستانەکە ئازاد و سەربخوە ددۆمینە. ئەم باش دزانن کو ھەدەف و ئارمانجا ھەمی بارزانیان ئەوە کو کوردستانەکە ئازاد و سەربخوە دیارێ گەلێ خوە بکن.
لەورا ژی کار و دیپلۆماسیا نھا برێز نێچیرڤان بارزانی دکە ژ بۆنا ڤێ ئارمانج و ھەدەفێیە. ئارمانجا کوردستانەکە سەربخوە ب دەستێ بارزانیان راگھاندنە. ھەدەف ئازادی و دەمۆکراسیا ناڤا گەلێ کوردە. ھەلوەست دەولەتەکە کوردییا سەربخوەیە…
ئەڤ یەکا ب خوەشا داگرکەران نارە، لۆما ژی وان دیسا ھن خوە فرۆشێن کوردان و رێخستنێن وان چالاک کرنە دا کو ل ھەمبەر برێز نێچیرڤان بارزانی گۆتنێن نە ل رێ، پرۆپاگاندایێن نە راست بکن دا کو ئەو نەغێژە ئارمانجا خوە.
دڤێ دژمن و پێگرتن وان ئانگۆ خوەفرۆشێن کوردان و ھن رێخستنێن ئارمانجا وان تونەکرنا کوردان و بارزانیانە، دڤێ باش بزانبن، نە دوور د دەمەکە نێزیک دە، ب دیپلۆماسیا ل گۆر فکر و رامانێن سەرۆکێ کوردستانێ برێز مەسود بارزانی و ب دەستێ برێز نێچیرڤان بارزانی تێنە مەشاندن وێ ب سەرکەڤە.
کوردنۆ گوھ نەدن ڤان خاین و خوەفرۆشان، ھوون، ئەم و تەڤایا کوردێن ژ وەلاتێ خوە ھەز دکن، دڤێ ژ وێ رێبازا بارزانیێ نەمر کو ئارمانجا وێ سەربخوەبوونا کوردستانێیە، ببن ئالیکار و ب خورتی دڤێ ئەم ببن ھەڤپارێ کار و خەباتێن وان.
نە دوور د دەمەکە گونجاڤ دە، وێ کوردستانا سەربخوە ب دیپلۆماسی، کار و خەباتێن برێز نێچیرڤان بارزانی و ب مزگنییا سەرۆکێ کوردستان برێز مەسود بارزانی بغێژە ھەمی کوردان.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.