بۆرسا.. داخوازا مالباتا ئۆجەلانی بۆ سەرەدانا ئیمرالیێ ھات رەت کرن

بۆرسا.. داخوازا مالباتا ئۆجەلانی بۆ سەرەدانا ئیمرالیێ ھات رەت کرن

WAAR-دهۆك:

دۆزگەریا گشتییا پارێزگەھا بۆرسا یا تورکی داخوازا خووشک و برایێن سەرۆکێ زیندانکریێ پەکەکێ بۆ سەرەدانا گراڤا ئیمرالیێ رەت کر.
ھەر ئێک ژ محەمەد ئۆجەلان و فاتما ئۆجەلان، خووشک و براییێن عەبدوللا ئۆجەلان، سەرۆکێ زیندانکریێ پەکەکێ ل گراڤا ئیمرالیێ، داخواز ژ دۆزگەریا گشتییا بۆرسایێ کر رێ بدەنێ سەرەدانا برایێ خوە بکەن، لێ دۆزگەریا گشتی بۆ جارا 9ێ ئەو داخوازی رەت کر و رێ نەدا سەرەدانا ئیمرالیێ بکەن.
دۆزگەریا گشتییا بۆرسایێ ب بەھانەیا رێکارێن ئێمناھیێ داخوازێن مالباتا ئۆجەلان و ھەر ئێک ژ ھاملی یلدرم، ئۆمەر خەیری کۆنار و وەیسی ئاکتاش یێن د گەل ئۆجەلانی د زیندانێ دا رەت کرن.
ژ رۆژا کۆدەتایا سەرنەگرتی یا تیرمەھا سالا 2016ێ ل تورکیا روودای و تا نھا، دۆزگەریا گشتییا تورکیا رێ نادەت چو کەس و ئالی سەرەدانا عەبدوللا ئۆجەلانی ل گراڤا ئیمرالیێ بکەن، مالباتا وی و پارتییا دیمۆکراتیک یا گەلان ھەدەپە و پارێزەرێن ئۆجەلانی ژی ئاشکرا دکەن، وان چو ئاگاھی ل سەر رەوشا ساخلەمی و ئێمناھییا ئۆجەلانی نینن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.