به‌په‌له‌، ژخشتێ مووچه‌یان به‌ره‌ڤ شاهجوانێن لوبنانێ

به‌په‌له‌، ژخشتێ مووچه‌یان به‌ره‌ڤ شاهجوانێن لوبنانێ

عیماد ئالیخان

چه‌ند رۆژه‌كه‌ هنده‌ك مه‌دیایێن باشورێ كوردستانێ بابه‌تێ وان یێ هه‌ره‌ گرنك و به‌په‌له هاتیه‌ گوهورین، ژ خشتێ به‌لاڤكرنا مووچه‌یان بو هاتنا شاهجوانێن لوبنانی بو باشورێ كوردستانێ!! و گرنكیه‌كا ژ قه‌بارێ بابه‌تی گه‌له‌ك مه‌زنتر پێ هاتیه‌ دان ژهه‌موو لایه‌كی ڤه‌. براستی تشته‌كێ باشه‌ وه‌لاتیێن هه‌ر وه‌لاته‌كی و ب تایبه‌ت یێن جیران تێكه‌لی و سه‌ره‌دانا ئێكدو بكه‌ن ژبوو كو تێكه‌لی و هه‌ڤالینی و دیتن و ڤه‌كوهاستنا دیمه‌ن و سرۆشت و شارستانیه‌تا هه‌ر وه‌لاته‌كی بو وه‌لاتێ خوه‌، لێ ل شوونا كو كه‌رتێ تایبه‌ت دڤان كاودانێن سه‌خت و دژوار و قه‌یرانا مه‌زن یاكو ئه‌ڤه‌ چه‌ندین ساله‌ باشورێ كوردستانێ ڤه‌گرتی خه‌رجیێن مادی بو هاتنا شاهجوانا مه‌زاختبان، بوچی گرنگیێ ب ئاڤه‌دانكرنا وه‌لاتی ناده‌ت؟! وه‌كو ئه‌م هه‌موو دزانین كو زۆربه‌یا شوقه‌ و یه‌كه‌یێن ئاكنجیبوونێ ل باشوورێ كوردستانێ ب گشتی و پارێزگه‌ها دهۆكێ ب تایبه‌تی ئه‌ڤه‌ چه‌ندین ساله‌ ماینه‌ نیڤه‌رۆ و روویه‌كێ نه‌ شارستانی دایه‌ باژێری، كو زۆربه‌یا وان دده‌ستێ كه‌رتێ تایبه‌ت دانه‌ و هه‌ر ده‌مێ وه‌لاتی پسیارا ژڤانێ وه‌رگرتنا شوقه‌یێن خوه‌ دكه‌ن ئێكسه‌ر دبێژن قه‌یرانه‌ و بارۆدوخێ هه‌رێمێ ژ هه‌موو لایه‌كی ڤه‌ ب تایبه‌ت یێ ئابووری زۆرێ لاوازه‌!! ئه‌رێ بوچی بۆ خه‌رجكرنا ئاهه‌نگێن هاتینه‌ رێكخستن د ڤان چه‌ند رۆژێن بۆری دا ژ بو شاهجوانێن لوبنانی بارۆدۆخێ ئابووریێ هه‌رێما كوردستانێ یێ لاواز نه‌بوو؟! ئه‌رێ ئه‌گه‌رشاهجوان و كه‌سانێن به‌رنیاسێن كوردستانی وه‌كی هونه‌رمه‌ند و …. هتد سه‌ره‌دانا وه‌لاتێن عه‌ره‌بی بكه‌ن دێ هه‌مان پێشوازیا ل هه‌رێما كوردستانێ لێ دهێته‌ كرن ژلایێ وان ڤه‌؟! و به‌په‌له‌لێن و مانشێتێن سه‌ره‌كی یێن راگه‌هاندنا عه‌ره‌بی دێ بنه‌ هاتنا شاهجوان و هونه‌رمه‌ندێن كوردستانی بو چه‌ند رۆژان ل سه‌ر ئێك؟!

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.