به‌رشه‌لۆنا ئێكه‌م پلێتا قۆناغا 16ێ یا چامپیۆنز لیگێ بده‌ستڤه‌بر

به‌رشه‌لۆنا ئێكه‌م پلێتا قۆناغا 16ێ یا چامپیۆنز لیگێ بده‌ستڤه‌بر

WAAR-دهۆك:

یانه‌یا به‌رشه‌لۆنا یا ئسپانی ئێكه‌م پلێتا قۆناغا شازدێ‌ یا چامپیۆنز لیگێ‌ بده‌ستڤه‌بر، پشتی ب گۆله‌كێ‌ دگه‌ل مێڤاندارا خۆ ئنته‌ر میلان یا ئیتالی وه‌كهه‌ڤبووی ژ چارچووڤێ‌ یاریێن گه‌را چارێ‌ یا كۆما دووێ‌ . ل خۆله‌كا 83 یاریكه‌رێ‌ پێگهور مالكومی یانه‌یا به‌رشه‌لۆنا ب تۆماركرنا گۆلا ئێكێ‌ پێشخست، لێ‌ پشتی وێ‌ ب چار خۆله‌كان ماورو ئیكاردی گۆلا وه‌كهه‌ڤییێ‌ بۆ ئنته‌ر میلان ئینا و یاری ب وه‌كهه‌ڤییا گۆله‌كێ‌ بداوی هات . بڤی ئه‌نجامی به‌رشه‌لۆنا ب 10 خالان به‌رده‌وامی دا رێزا ئێكێ‌ و ده‌ربازبوونا خۆ بۆ قۆناغا شازدێ‌ مسۆگه‌ركر، و ئنته‌ر میلان ب حه‌فت خالان لرێزا دووێ‌ دهێت.راهێنه‌رێ‌ یانه‌یا به‌رشه‌لۆنا ئیرنێستو ڤالڤێردی دیاركر وان یارییه‌كا باش به‌رامبه‌ر ئنته‌ر میلانێ‌ كر و ئارمانجا خۆ دڤێ‌ یارییێ‌ دا بجه ئینا . د داخویانیێن پشتی یارییێ‌ دا ڤالڤێردی راگه‌هاند، وان یارییه‌كا باش كر و ب ئارمانجا ده‌ربازبوونێ‌ و مسۆگه‌ركرنا سه‌ركێشییا كۆمێ‌ هاتبوونه‌ یارییێ‌، و هه‌موو شیانێن خۆ بۆ سه‌ركه‌ڤتنێ‌ مه‌زاختن، وان ده‌لیڤه‌یا ئێكلاكرنا رێزا ئێكێ‌ ژ ده‌ستدا، لێ‌ دكه‌یفخوشن ژبه‌ركو ئارمانجا وان یا ئێكێ‌ ده‌ربازبوون بوو، دبه‌رامبه‌ر دا راهێنه‌رێ‌ ئنته‌ر میلان لوسیانو سپالێتی ئاشكراكر، یارییا وان یا باشبوو و ئاسته‌كێ‌ بلند پێشكێشكر و ژ هه‌ژی گۆلا وه‌كهه‌ڤییێ‌ بوون، و زێده‌تر گوت، دنیڤا ئێكێ‌ دا به‌رشه‌لۆنا باشتر بوو و دوو یان سێ‌ ده‌لیڤه‌ بۆ په‌یدابوون، و تۆماركرنا گۆلێ‌ ژلایێ‌ وانڤه‌ هه‌ر لده‌ستپێكێ‌ یا پێشبینی كریبوو.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.