بـــەربــژێـــر و دانـــا ســۆز و پــەیـمـانـێـن مــەزن

دلۆڤان ئەمجەد بارزانی

بەربژێرێن ھێژا سۆز و پەیمانێتن مەزن نەدەنە خەلکی کۆ جێ بەجێ کرنا وان دشیانێن ھەوە دانەبیت. ھەمی لایەنا دڤێن ناما خۆیا تایبەت ھەبیت، ھەروەسا ھەر بەربژێڕەك نوێنەراتیا پارتا خۆ دکەت و زۆریش ئاساییە بەربژێر بێژن ئەم دێ بەرنامێ پارتا خۆ جێ بەجێ کەین، بەس یا ل ھەمیێ گرنگتر ئەوە کۆ ل بەغدا ئێکگرتی و ئێك ھەلۆێست بن، راستە دڤێت پارتا وان و بەرنامێ پارتا وان ل دەف یا گرنگ بیت و ل دیڤ بچن بەس دڤێت ب ڕەنگەکێ گشتی کار بۆ ھەڕێما کۆردستانێ بکەن. زۆرا خراپە بەربژێر بەرژەوەندیێن گشتی بکەتە قوربانی بەرژەوەندیێن تایبەتی یا پارتا خۆ بەرۆڤاژی ڤێ چەندێ دڤێت بەرژەوەندیێن تایبەتی بکەنە قوربانی بەرژەوەندیێن گشتی. بەس ل وی دەمی دا ئەگەر بزانن ئەو بەرژەوەندیا گشتی بۆ تەڤایا مللەتێ کۆرد یا باشە، چۆنکی ھەمی بەربژێر ل بن ناڤێ ھەڕێما کۆردستانێ دێ چنە پەرلەمانێ بەغدا ل عیراقێ. لەوما پێدڤیە ئێك دەنگ بن نەك وەکی خۆلا پەرلەمانی یا بۆری لێ بھێت، ھندەك لایەنێن سیاسی یێت کۆردی دەمێ چوویە بەغدا وەکی وان لێ ھاتن. ب ڕەنگەکێ بەرچاڤ ل دژی بەرژەوەندیێن مللەتێ کۆرد ڕاوەستان دگەل ئەندامێن پارتێن عەرەبی بوونە ئێك خۆ فرۆشی و جاشاتیا خۆ دیار کر. دڤێ خۆلێ ژی دا ئەوان خۆ ل سەر لیستێن عەرەبی بەربژێر کر و ب درستی عەرەب بوونا خۆ ڕاگەھاند. لڤێرە دا دڤێت ئەم ھەمی خەلك بزانین کا شۆلێ ئەندام پەرلەمانی چیە د پەرلەمانی دا، کا بەربژێری شارەزایی د چ بوار دا ھەیە و تایبەتمەندیا وی چیە و دێ ل دیڤ وی بواری شۆل کەت یێ ئەو تێدا شارەزا. ھەروەسا بەربژێر ژی نابیت سۆزێن مەزن بدەتە خەلکی کۆ ئەم سۆر و سۆر دزانین کۆ ئەو نەشێن وێ سۆزێ جێ بەجێ بکەت. لەوما بەربژێر بلا بارێ خۆ گران نەکەت بلا وان سۆزا بدەت کۆ دشیانێن وی دا ھەبن و بشێت ل ھەمبەر سۆزا خۆ دەربکەڤیت دا ئەو شەرمزار نەبیت و خەلك ژی بێ ھێڤی نەبن و پەشیمان نەبن کۆ دەنگێ خۆ یێ دای. من ل چاڤ پێکەفتنەکا تی ڤی یێ دا دیت کۆ بەحس ل دەستوور و مووچەیا دھاتەکرن. من دڤێت ڤێ چاڤپێکەفتنێ ب نموونە وەربگرم:- نابیت بەربژێر بێژیتە خەلکی دەنگێ خۆ بدەنە من و بەحسێ دەستووری بکەت و بێژیت دێ ڤێ خالا دەستووری جێ بەجێ کەم، نەخێر چ بەربژێرەك یان لایەنەکێ سیاسی نەشێت خالەکا دەستووری بتنێ جێ بەجێ بکەت. ئەگەر ھەمی لایەنێن سیاسی یێت ھەمی پارتێن کۆردی پێکڤە کار ل سەر نەکەن و نەبنە ئێك. ھەروەسا یا چارەسەرکرنا مووچەیان کۆ بێژن دێ مووچێ فلان جھی یان باژێری چارەسەرکەین، نەخێر ئەو ژی بتنێ ناھێتە کرن چۆنکی پەرلەمان دێ ب زۆریا دەنگان بڕیارا پەسەند کەت، لایەنەك یان پارتەك یان بەربژێرەك بتنێ نەشێت وان تشتا بکەت، ل وی دەمی دا دێ گەلەك ئەندامێن پارتێن دی یێت عەرەبی نەرازی بن ل پێناڤ چارەسەرکرنا ئاڕیشێن ھەڕێما کۆردستانێ و دانا مافێ خەلکێ ھەڕێمێ. ل وی دەمی دا دێ ب زۆریا دەنگان بریارا ھێتە پەسەند کرن. ژبەر ھندێ ئەم بۆ پەرلەمانێ عیراقێ ھەر تەرکیزێ دکەینە سەر ئێکگرتنێ چۆنکی ئێکگرتن سەرێ ھەمیێ یە. بێ ئێك گرتنا ھەمی پارتان چ تشتەك ب دەست مەڤە ناھێت، چوونا وان دێ یا بێ مفابیت و دێ وەکی ڕووبۆتا بن دناڤ پەرلەمانێ عیراقێ دا .

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.