بایۆمه‌تریكرنا نه‌سریێ‌

بایۆمه‌تریكرنا نه‌سریێ‌

شێرزاد نایف
جاران باشی یا خرابه‌ هه‌كه‌ زێده‌ی راده‌یێ‌ خوه‌ بچیت، له‌ورا ژی هه‌روه‌كو ئاڤێ‌ دایه‌ لێڤێ‌، كه‌یسا خه‌لكه‌كی ل پله‌ و پۆستێن حكومی گه‌هشته‌ راده‌یه‌كی و ئه‌ڤ دۆخێن دژوار یێن ب سه‌ر حوكمه‌تا هه‌رێمێ‌ دا دهێن، كێم كه‌س ژی خوه‌ لێ‌ دكه‌نه‌ خودان، هه‌ر وه‌كو (قه‌نجی ب كێر كرمانجی ناهێت)، كه‌س ملێ‌ خوه‌ ناده‌ته‌ به‌ر ره‌خنه‌ و گه‌فێن خه‌لكی ل سه‌ر لاوازبوونا نه‌زاهه‌تێ‌ و به‌لاڤبوونا گه‌نده‌لیێ‌ د ناڤ سازیێن حوكمه‌تێ‌ دا، له‌ورا حوكمه‌تا هه‌رێما كوردستانی ڤێ‌ جارێ‌ ژ دل خواستیه‌ هنده‌ك پێنگاڤێن گه‌رم بهاڤێژیت بۆ پرۆژێ‌ چاكسازیێ‌ و كه‌سێ‌ نێچیریڤان بارزانی ب خوه‌ ته‌كه‌زی لێ‌ كریه‌، هه‌ر وه‌كو سیسته‌مێن بایۆمه‌تری بۆ جوداكرنا فه‌رمانبه‌ر و مووچه‌خۆرێن راست و ده‌ركرنا مووچه‌خۆرێن ئاشۆپی و بندیواران و نه‌هێلانا دومووچه‌یی و فره‌مووچه‌یێ‌، ماده‌م سیسته‌مه‌ و ئه‌لیكترۆنه‌، ئێك شه‌رمكرن ژ هه‌ڤدو ژی نامینیت، تو كورێ‌ فلانی و یێ‌ دی خه‌بات كرییه‌، ئه‌ڤه‌ ژی فلان عه‌شیره‌ته‌ ب مه‌حسۆبی و مه‌نسۆبی و .. هتد.
ماده‌م بوو سیسته‌م دی پتر كار و كریارێن سازیێن حوكمه‌تێ‌ و دابه‌شكرنا ئه‌رك و ماف و ده‌سهه‌لاتان ل دووڤ پره‌نسیپ و پیڤه‌رێن زانستی و قانوونی د هه‌می وارێن جودا دا.
ئه‌ڤجا ژ بلی ئه‌ڤێ‌ پێنگاڤا د جهێ‌ خوه‌ دا. راسته‌ حوكمه‌تێ‌ راده‌یه‌ك بۆ دانایه‌ و ئه‌وا چووی ژ ئه‌گه‌رێ‌ مه‌زاختنا ب گه‌ده‌لی، هه‌می بهێته‌ قه‌ربۆكرن بۆ گه‌نجینه‌یا حوكمه‌تا هه‌رێما كوردستانێ‌، چونكو گه‌له‌ك نه‌سریه‌ هه‌نه‌ بێ‌ كار وه‌زاره‌ت و رێڤه‌به‌ری دمه‌زاخت، خه‌لكه‌كێ‌ نه‌یێ‌ هه‌ژی خوه‌ ب سه‌رداداینه‌ پێ‌ زه‌نگین بووینه‌، هه‌تا گه‌هشتیه‌ وی راده‌ی نه‌ منه‌ت ب مووچه‌ی هه‌بوویه‌ و حه‌نكێن خوه‌ ب مووچه‌ی دكه‌ن ل به‌رامبه‌ر مووچه‌یێ‌ ئاسایی! ئه‌ڤجا ئه‌و بریارا نێچیرڤان بارزانی سه‌رۆك وه‌زیرێن هه‌رێمێ‌ كو ب رژدی پێداچوون و ل سه‌رراوه‌ستان بهێته‌ كرن ل سه‌ر ڤی بابه‌تی ب دیتنا من یا دجهێ‌ خوه‌ دابوو هه‌كه‌ زووتر ژی هاتبایه‌ كرن هێژ باشتربوو، دا كه‌س خوه‌ ل ڤی مالێ‌ حه‌رام نه‌ده‌ت!  یا ژ هه‌میێ‌ باشتر ژی ژ هنده‌ك كه‌س سازیان ب ئێكجاری هاتیه‌ بڕین. ئه‌ڤ بریاره‌ وه‌كو هه‌ناسه‌كێ‌ بوو بۆ وی خه‌لكی ژ كێمبوونا نه‌زاهه‌تێ‌ دنالیت. كو مالیه‌تا حوكمه‌تێ‌ بهێته‌ شووشتن ژ گه‌نده‌لیا هنده‌ك كه‌یسه‌ڤانان! ئه‌ڤێن هه‌نێ‌ زێده‌باری هنده‌ك كاركریارێن مه‌زنتر یێن باشتركرنالا ره‌وشا ئابوورێ‌ هه‌رێمێ‌، هه‌كه‌ حوكمه‌ت ئه‌وان پرۆژان ب دروستی بێخیته‌ كاری ب دیتنا ملله‌تێ‌ مه‌ چو ئاریشێن مه‌زنتر نابن، چۆنكو حوكمه‌تێ‌ یا مه‌زنتر شیا بكه‌ت و مه‌ ژ ده‌ڤێ‌ ده‌وله‌تێن مه‌زن یێن گورك قورتال بكه‌ت. پێنه‌ڤێت بیاڤێ‌ ئابووری ژی دێ‌ گه‌شێ‌ كه‌ت. وه‌كو پرۆژێن هه‌نێ‌ ل وی ئاستینه‌ كو هه‌رێمه‌كا سێ‌ پارێزگه‌هـ بگه‌هینته‌ ڤه‌ سه‌رێ‌ ژۆری.. هه‌ر وه‌كو یا كه‌سێ‌ نێچیرڤان بارزانی دزانیت، ئه‌ز و تو نه‌زانین له‌ورا وه‌كو جارێن دیتر گۆتی ئه‌ڤ قووناغا سه‌خت ژی دێ‌ ل سه‌ر مه‌ رابۆریت. ئه‌م ژی حه‌ز دكه‌ین ده‌سهه‌لاته‌كا كوردی بیت باشتره‌ ژ ئێكا بیانی بیت ه‌سهه‌لاتداریێ‌ ب منته‌ت ل مه‌ بكه‌ت! له‌ورا دبێژنی خوه‌دیێن نه‌سریێ‌ هاری حوكمه‌تێ‌ بكه‌ن و دلۆڤانیێ‌ ب باشی و عه‌تفا حوكمه‌تێ‌ ژی ببه‌ن، ئه‌وا هنگ برینه‌ سه‌رێ‌ ژۆری!

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.