ئه‌وێن خه‌لاتێ نۆبل یێ ئاشتیێ وه‌ردگرن

به‌ده‌ل گابێركى

 

ئه‌و كه‌سێن دهێنه‌ به‌ربژاركرن بو وه‌رگرتنا خه‌لاتێ نۆبل ل سه‌ر چه‌ندین بنه‌مایان ڤى خه‌لاتى وه‌ردگرن ژ ناڤێ وى یێ دیاره‌ كو خه‌لاتێ ئاشتیێ یه،‌ بۆچى سه‌رۆكێ حكومه‌تا هه‌رێما كوردستانێ نێچیرڤان بارزانى هاتیه‌ به‌ربژاركرن بۆ وه‌رگرتنا ڤى خه‌لاتى، ئه‌وژى پشتى 16ى ئوكتۆبه‌رى و درۆستبوونا شه‌رى دناڤبه‌را هێزێن پێشمه‌رگه‌یێ كوردستانێ ل پردێ و زومار لگه‌ل هێزێن عیراقى و حه‌شدا شه‌عبى و چه‌ندین كه‌س دڤان شه‌راندا بوونه‌ قوربانى، به‌لێ هه‌ر زوى بارزانى ب رولێ خوه‌ یێ ئاشتیانه‌ رابوو، ئه‌وژى بریارا سركرنا ریفراندومێ دا و به‌رسڤا چ لێدوانێن توند یێن به‌رپرسێن به‌غدا نه‌دا و ئه‌ڤ چه‌نده‌ تاراده‌یه‌كێ زۆر بۆ ئه‌گه‌رێ دروستنه‌بوونا شه‌ره‌كێ مه‌زن یێ خویناوى كو دهاته‌ پیشبینیكرن كو ب هزاران كه‌س ببنه‌ قوربانى و چه‌ندین كه‌سێن بێ گونه‌هـ مال و حالین خوه‌ بجهـ بهێلن و جاره‌كا دیتر ئاواره‌ببن.

هه‌روه‌سا نۆبل هه‌ر ژ سالا 1901 و تا نوكه‌ هه‌ر سال رێوره‌سێمێن خه‌لاتێ نۆبلێ بۆ ئاشتییێ دهێـته‌كرن و تانها 117 كه‌سایه‌تى و رێكخراوێن جڤاكێ و پارتێن سیاسى ئه‌ڤ‌ خه‌لاته‌ وه‌رگرتیه‌، به‌لێ وه‌كى یا دیاره‌ كو ئه‌ڤ خه‌لاته‌ دهێته‌دان بۆ وان كه‌سایه‌تیان یێن دبنه‌ ئه‌گه‌رێ راوه‌ستاندنا شه‌ره‌كێ مه‌زن و درێژخایه‌ن و مالوێرانیه‌كا مه‌زن هه‌ر ژ به‌رهندێ نێچیرڤان بارزانى هاته‌ به‌ربژێركرن بۆ وه‌رگرتنا ڤى خه‌لاتى.

بارزانى پشتى سركرنا ئه‌نجامێن ریفراندومێ به‌رده‌وام ب زمانه‌كێ نه‌رم و دبلوماسى به‌رسڤا به‌غدا ددا و داخوازا دانوستاندنێ دكر و پاشى بارزانى ب چه‌ندین سه‌ره‌دانێن گرنگ رابوو و ئێكه‌م سه‌ره‌دانژى بۆ وه‌لاتێ فه‌ره‌نسا بوو و پێشوازییه‌كا ئێكجار مه‌زن ژلایێ ماكرونیڤه‌ لێهاته‌كرن و وێ سه‌ره‌دانێ كارڤه‌دانێ مه‌زن هه‌م ل سه‌ر ئاستێ نافخوه‌یى و جیهانى په‌یداكرن و بارزانى ل فه‌ره‌نسا دوپاتی ل ئاشتیێ و پێكڤه‌ژیانێ كر و دیسان داخوازا دانوستاندنێ ژ به‌غدا كر و جێبه‌جێكرنا ده‌ستۆرێ عیراقێ و پاراستنا مافێن هه‌موو پێكهاته‌یێن عیراقێ.

پاشان به‌غدا چه‌ندین جاران گه‌فێن شه‌رى ل هه‌رێما كوردستانێ كرن و چه‌ندین مه‌رج بۆ هه‌رێمێ دانان، به‌س ب بزاڤێن دبلوماسیى و ئاشتیانه‌ نێچیرڤان بارزانى شیا‌ هه‌موو پیلانێ به‌غدا و دۆژمنێن كوردان بن ئاخ بكه‌ت! و چه‌ندین سه‌ره‌دانێن دیتر یێن گرنگ سه‌رۆكێ حكومه‌تێ ئه‌نجامدان وه‌كو سه‌رده‌نا ئه‌لمانیا و ته‌هران و كوربه‌ندێ داڤوس و پێشوازییه‌كا مه‌زن لێهاته‌كرن ئه‌ڤ هه‌موو بزاڤه‌ بوونه‌ ئه‌گه‌رێ هندێ شه‌ره‌كێ مه‌زن چێنه‌بیت و وه‌لاتى نه‌بنه‌ قوربانى پیلانێن عه‌قلیه‌تا شوفینیا هنده‌ك سه‌ركرده‌یێن به‌غدا.

دیسان یا گرنگه‌ ژ بیرنه‌كه‌ین كو سه‌رۆكێ حكومه‌تێ ل نافخوه‌یا هه‌رێما كوردستانێ ژى شیایه‌ هه‌موو پارتێن سیاسى لێك نێزیك بكه‌ته‌ڤه‌ و ب تایبه‌تى پشتى 16 ئوكتۆبه‌رێ بارزانى ب رولێ لێكنێزیكرنا ئێكه‌تى و پارتى رابوویه‌ و رێگرى ل دروستبوونا دوبه‌ره‌كى و دروستبوونا شه‌رێ نافخوه‌كرییه‌ و دیسان سه‌ره‌دانا پارتێن سیاسى كرییه‌ و شیایه‌ تا راده‌یه‌كى ئێكگرتنێ دروست بكه‌ت و نه‌هێلیت بزانڤێن هه‌لوه‌شاندنا هه‌رێما كوردستانێ سه‌ر بگرن.

هه‌ر ئه‌ڤ ئه‌گه‌ره‌ و چه‌ندین ئه‌گه‌رێن دیترن، كو سه‌رۆكێ حكومه‌تا هه‌رێما كوردستانێ نێچیرڤان بارزنى، ‌ئه‌ڤرۆكه‌ بهێته‌ به‌ربژێركرن بۆ وه‌رگرتنا خه‌لاتێ نۆبل یێ ئاشتیێ.

 

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.