ئه‌لێگرى : رۆنالدۆ دێ رێكا مه‌ بۆ بده‌ستڤه‌برنا ناسناڤان خۆش كه‌ت

ئه‌لێگرى : رۆنالدۆ دێ رێكا مه‌ بۆ بده‌ستڤه‌برنا ناسناڤان خۆش كه‌ت

WAAR-دهۆك:

خۆرخێ مێندێز بریكارێ كارۆبارێن ستێرا پۆرتۆگالی كریستیانۆ رۆنالدۆی راگه‌هاند كۆ مۆشه‌كا مادێرا بریاردایه‌ كاروانێ خوه‌ یێ فوتبۆلێ دناڤ رێزێن یوڤێنتوسێ دا بداوی بینیت . د داخویاییه‌كا تایبه‌ت دا بۆ رۆژنامه‌یا لاگازێتا دیلۆسپۆرت مێندێزی گۆت : ئه‌ز گه‌له‌ك یێ دلخۆشم كۆ رۆنالدۆی ل یوڤێنتوسێ ببینم . و ئه‌ز سۆپاسییا سه‌رۆكێ یانه‌یێ ئانیێلی دكه‌م ژبه‌ركۆ وی سه‌ره‌ده‌رییه‌كا باش دگه‌ل ڤێ هه‌ڤبه‌ستێ كر …. زێده‌تر خۆرخێ مێندێزی گۆت : هیڤییا من ئه‌وه‌ سالێن بهێت یێن رۆنالدۆی دگه‌ل بیانكۆنێری د خۆشبن . كۆ ئه‌ڤه‌ داوی تیما وی یه‌ و دێ كاروانێ خوه‌ یێ فوتبۆلێ لڤێرێ بداوی ئینیت . هه‌ژی گۆتنێ یه‌ نها رۆنالدۆ د ژیێ 33 سالیێ دایه‌ و هه‌ڤبه‌ستا وی دگه‌ل قاره‌مانا ئیتالیا بۆ چار سالێن دی یه‌ به‌رامبه‌ر 100 ملیۆن یۆرۆیان دگه‌ل 12 ملیۆن یۆرۆیێن دی وه‌كۆ پاداشت دێ هێنه‌ دان.
هه‌ر لدوور نوچه‌یێن ستێرا پۆرتۆگالی كریستیانۆ رۆنالدۆی . راهێنه‌رێ یوڤێنتوسێ ماسیمیلیانۆ ئه‌لێگری دلخۆشییا خوه‌ ب گرێدانا ڤێ هه‌ڤبه‌ستێ دیاركر و ئاشكه‌را كر كۆ ب هاتنا رۆنالدۆی دێ ئه‌ركێ وان بۆ بده‌ستڤه‌برنا ناسناڤان بساناهیتر لێ هێت . د داخویانییه‌كا تایبه‌ت دا بۆ رۆژنامه‌یا فوتبۆل ئیتالیا ئه‌لێگری گۆت : ئه‌ڤه‌ پێنگاڤه‌كه‌ بۆ پێش یوڤێنتوسێ هاڤێتی . وه‌رزه‌كێ گرنگ لبه‌ر سینگێ مه‌یه‌ و رۆنالدۆ زێده‌هییه‌كا مه‌زنه‌ لسه‌ر هێزا مه‌ . هێشتا من دگه‌ل وی نه‌ئاخڤتییه‌ و ل دووشه‌مبییا بهێت دێ وی د پرێسكۆنفرانسێ پێشكێشكرنێ دا بینم . لێ ئه‌ز یێ پشتراستم ئه‌و دێ رێكا مه‌ بۆ بده‌ستڤه‌برنا ناسناڤان خوشتر لێكه‌ت ژبه‌ركۆ ئه‌و وی تشتی دكه‌ت یێ هه‌موو ده‌مان لێ دگه‌ریت . ئه‌وژی تۆماركرنا گۆلانه‌.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.