نێچیرڤان بارزانى و به‌رپرسێن ئیراقێ گۆتوبێژا په‌یوه‌ندییێن هه‌ولێر و به‌غدایێ دكه‌ن

نێچیرڤان بارزانى و به‌رپرسێن ئیراقێ گۆتوبێژا په‌یوه‌ندییێن هه‌ولێر و به‌غدایێ دكه‌ن

WAAR-دهۆك:

سەرۆکێ هەرێما کوردستانێ ل بەغدایێ ل گه‌ل هه‌رسێ سه‌رۆكاتییێ ئیراقێ كۆم بوو و گۆتوبێژا په‌یوه‌ندییێن هه‌ولێر و به‌غدایێ كر.
په‌یامنێرێ وار ل به‌غدا راگه‌هاند: ئه‌ڤرۆ سپێدێ نێچیرڤان بارزانى، سه‌رۆكێ هه‌رێما كوردستانێ گەهشتە به‌غدا و ل گه‌ل عادل عه‌بدولمه‌هدى، سه‌رۆكێ حكومه‌تا ئیراقێ كۆمبوو و باس ل پێشڤه‌برنا په‌یوه‌ندییێن هه‌ولێر و به‌غدایێ و خوه‌نیشاندان و ره‌وشا سیاسى یا ئیراقێ كر.
پاشان سه‌رۆك نێچیرڤان بارزانى ل گه‌ل محه‌مه‌د حه‌لبووسى، سه‌رۆكێ په‌رله‌مانێ ئیراقێ ژى كۆم بوو و باس ل داوى ره‌وشا ئیراقێ كر، هه‌روه‌ها سه‌رۆك نیچیرڤان بارزانى ل كۆچكا سه‌رۆكاتییێ ل گه‌ل دكتۆر به‌رهه‌م سالح، سه‌رۆككۆمارێ ئیراقێ كۆمبوو و سه‌رۆكفراكسیۆنێن كوردستانى ژى پشكدارى كۆمبوونێ بوون و گۆتوبێژا راستڤه‌كرنا ده‌ستوورى و په‌یوه‌ندییێن هولێر و به‌غدایێ كر.
په‌یامنێرێ وار دا زانین ژى: نێچیرڤان بارزانى و شاندا ل گه‌ل دا، سه‌ره‌دانا عه‌مار حه‌كیمى و هادى عامرى ژى كر و كۆمبوون دێ ل گه‌ل پترییا هێزێن ئیراقى به‌رده‌وام بن و سه‌رۆك نێچیرڤان بارزانى دێ په‌یاما هه‌رێما كوردستانێ بۆ هه‌ر هاریكاریه‌كێ گه‌هینیت به‌رپرسێن ئیراقێ، ب تایبه‌ت د چاره‌كرنا ره‌وشا نها و خورتكرنا په‌یوه‌ندییان دا.

بابه‌تێن ب ڤێ مژارێ ڤه‌ گرێدای