یەمەن.. ھەڤپەیمانییا ئەرەبی ھەژمارەکا چەکدارێن حۆسی کوشتن و بریندارکرن

یەمەن.. ھەڤپەیمانییا ئەرەبی ھەژمارەکا چەکدارێن حۆسی کوشتن و بریندارکرن

WAAR-دهۆك:

سوپایێ یەمەنێ کوشتن و بریندارکرنا ب دەھان چەکدارێن حۆسی ژ ئالییێ فرۆکەیین شەرکەر یێن ھەڤپەیمانییا ئەرەبی ڤە ل پارێزگەھا حەججە راگەھاند.
ناڤەندا راگەھاندنێ یا سوپایێ یەمەنێ بەلاڤکر؛ ئەڤرۆ سپێدێ فرۆکەیێن شەرکەر یێن ھەڤپەیمانییا ئەرەبی ناڤەندا ئۆپەراسیۆنێن حۆسییان ل پارێزگەھا حەججە ل باکۆرێ رۆژئاڤایێ یەمەنێ بۆمبەباران کر.
سوپایێ یەمەنێ ئاشکرا کر: د بۆمبەباران دا ھەژمارەکا مەزن یا چەکدارێن حۆسییان ھاتن کوشتن و بریندار کرن.
شڤێدی درەنگ ھەڤپەیمانییا ئەرەبی دەستپێکرنا ئۆپەراسیۆنەکێ ل بەندەرێ حودەیدە دژی ئارمانجێن سەربازی یێن حۆسییان راگەھاندبوو و چار پێگەھێن وان یێن دروستکرنا کەشتییێن مینرێژ کری ژناڤبربوون و داخواز ژی ژ سڤیلان کربوو خوە ژ جھێ ھێرش لێ دھێن کرن دوور بکەن.

بابه‌تێن ب ڤێ مژارێ ڤه‌ گرێدای