یەمەن.. ھەژمارەکا شارەزایێن سەربازی یێن ئیرانی ھاتن کوشتن

یەمەن.. ھەژمارەکا شارەزایێن سەربازی یێن ئیرانی ھاتن کوشتن

WAAR-دهۆك:

ئەرەبستانا سعوودیێ کوشتنا ھەژمارەکا شارەزایێن ئیرانی و چەکدارێن حۆسییان ل باژارێ سەنعا یێ پایتەختێ یەمەنێ راگەھاند.
ئاژانسا نووچەیێن سعوودی ژ زارێ وەزارەتا بەرگرییا یەمەنێ ئاشکرا کر، چەکدارێن ئەنساروللا یێن حۆسییێن یەمەنێ، د ھاڤێتنا مۆشەکەکێ دا ژ بنگەھێ دیلمی یێن ئاسمانی ل باکۆرێ سەنعایێ شکەستن ئینا.
ئاشکرا ژی کر، پشتی بزاڤێن ھاڤێتنا وێ مۆشەکێ سەرنەگرتی، ئەو مۆشەک پەقییە و ھەژمارەکا شارەزایێن ئیرانی د گەل چەکدارێن حۆسییان ھاتن کوشتن.
ل گۆرەی راپۆرتەکا پێگەھێ فەرمی یێ وەزارەتا بەرگرییا یەمەنێ، شارەزایێن ئیران دگەل چەکدارێن حۆسییان ل بنگەھێ دیلمی ل باکۆرێ سەنعایێ کار دکەن و ژ وێرێ فرۆکەیێن بێ فرۆکەڤان و مۆشەکێن بالستی ئاراستەی سعوودیێ دکەن.

بابه‌تێن ب ڤێ مژارێ ڤه‌ گرێدای