ھەلبژارتنێن جڤاتێن پارێزگەھێن ئیراقێ ھاتن پاشخستن

ھەلبژارتنێن جڤاتێن پارێزگەھێن ئیراقێ ھاتن پاشخستن

WAAR-دهۆك:

جڤاتا وەزیرێن ئیراقێ بریارا پاشخستنا ھەلبژارتنێن جڤاتێن پارێزگەھان دا، بێ کو ژڤانەکی بۆ کرنا وان دەستنیشان بکەت.
ھەرچەندە پێشتر پەرلەمانێ ئیراقێ بریار دابوو کو ل ئێکێ نیسانا سالا بھێت ھەلبژارتنێن جڤاتێن پارێزگەھان و یێن باژارێ کەرکووکێ ژی بھێن کرن، لێ ئەڤرۆ جڤاتا وەزیرێن ئیراقێ بریارا پاشخستنا وان دا.
د کۆمبوونا خوە یا ئەڤرۆ دا جڤاتا وەزیرێن ئیراقێ بریار ل سەر ھەردو پرۆژەیاسایێن کۆمسیۆنا بلند یا ھەلبژارتنێن ئیراقێ و ھەلبژارتنێن پەرلەمانی دا و رەوانەی پەرلەمانێ ئیراقێ کرن.
جڤاتا وەزیرێن ئیراقێ سەرباری پاشخستنا ھەلبژارتنێن جڤاتێن پارێزگەھان چ ژڤانێن نوو بۆ کرنا وان دەستنیشان نەکرن و دا زانین ل دەمێ بھێت دێ ژڤانەکی بۆ دیار کەن.

بابه‌تێن ب ڤێ مژارێ ڤه‌ گرێدای