ھەسەدە: نەشێین پشتبەستنێ ل سەر رۆسیا بکەین

ھەسەدە: نەشێین پشتبەستنێ ل سەر رۆسیا بکەین

WAAR-دهۆك:

فەرماندارێ ھەسەدێ دیار کر کو ئەو نەشێن پشتبەستنێ ل سەر رۆسیا بکەن، رێ ژی نادەن رۆسیا گوھەرینان ل باکۆرێ رۆژھەلاتێ سوورییێ بکەت.
مەزلووم کۆبانی، فەرماندارێ گشتی یێ ھێزێن سووریایا دیمۆکراتیک، ھەسەدێ بۆ دەنگێ ئەمریکا راگەھاند؛ ئەو نەشێن باوەرییێ ب رۆسیا بینن و پشتبەستنێ ل سەر بکەن، ژ بەر کو رۆسیا ھەڤپەیمانا حکومەتا سوورییێ و ھەماھەنگیکارا د گەل تورکیا دایە و سیاسەتێن وێ یێن پشتەڤانیکرنا رژێمێ نە، نە یێن پاراستنا کوردان ل دەڤەرێ.
کۆبانی گۆت ژی: وان بەری نھا ژی ئەزموون د گەل رۆسیا دا ھەیە، تایبەت ل عەفرینێ کو رێ دا تورکیا کۆمکوژییان لێ بکەت، لەورا ژی مومکن نینە پشتبەستن ل سەر بھێت کرن و سیاسەتێن وێ و رژێمێ ھەردویان تنێ پاراستنا بەرژەوەندییێن خوە نە.
فەرماندارێ ھەسەدێ ھەروەسا بال کێشا سەر گۆتنا ترامپی کو دێ د گەل رۆسیا دا دانوستاندنان کەن دا کو پرسگرێکا کوردی چارە بکەن، لێ ئەڤە نە زەلالە، و ئەو وەک ھەسەدە رێ نادەن رۆسیا گوھەرینان ل باکۆرێ رۆژھەلاتێ سوورییێ بکەت و یا ئەو دخوازن چیکرنا ھەڤسەنگییا ھێزانە ل سەر ئەردی تا کو چارەیەکا بەردەوام بۆ قەیرانا سوورییێ بھێت گرەنتیکرن.

بابه‌تێن ب ڤێ مژارێ ڤه‌ گرێدای