ھەسەدە: مە ھێزێن خوە ژ سەرێ کانیێ ڤەکێشان

ھەسەدە: مە ھێزێن خوە ژ سەرێ کانیێ ڤەکێشان

WAAR-دهۆك:

پەیڤدارێ ھێزێن سووریا یا دیموکراتیک ھەسەدێ راگەھاند؛ د چوارچووڤی رێککەفتنا ئاگربەستا ھاتییە راگەھاندن، وان ھێزێن خوە ژ سەرێ کانیێ ڤەکێشان.
کینۆ کابریێل پەیڤدارێ ھێزێن سووریا یا دیموکراتیک ھەسەدێ د داخۆیانییەکێ دا گۆت: ل دووڤ رێککەفتنا ئاگربەستێ یا ب پشتەڤانییا ئەمریکا ل گەل تورکیا ھاتییە راگەھاندن، ئەڤرۆ ھێزێن وان باژارێ سەرێ کانیێ ب تەمامی چوول کر و دوپات کر: نھا چ شەرڤانێن ھەسەدێ نەماینە ل باژارێ سەرێ کانیێ.
ئاژانسا سانا یا فەرمی یا رژێما سووریێ ژی دیارکر؛ سوپایێ تورکیا و چەکدارێن سەر ب وێڤە چووینە د ناڤا سەرێ کانیێ دا.
ڤەکێشانا شەرڤانێن ھەسەدێ، د چوارچووڤێ رێککەفتنا ئەمریکا و تورکیا دا دھێت، ل گۆرەیی وێ پێدڤییە ھەسەدە ھێزێن خوە ب کووراتییا سیھـ و دو کیلۆمەتران ل دەڤەرێن سنۆری یێن د ناڤبەرا سووریا و تورکیا ڤەکێشیت.

بابه‌تێن ب ڤێ مژارێ ڤه‌ گرێدای