ھندستان: ھەوا پری دوکێلێن ژەھراوی بوویە

ھندستان: ھەوا پری دوکێلێن ژەھراوی بوویە

WAAR-دهۆك:

خەلکێ نیۆدەلھیا پایتەختا ھندستانێ ژ بەر زێدەبوونا دوکێلێن ژەھراوى د ناڤا ھەوایێ وی باژارێ دا خوەنیشاندان دژی حکومەتێ کرن.
دەما دو ھەفتیانە ژینگەھا نیۆدەلھی ژ بەر دوکێلا ترۆمبێلا و یاریێن ئاگری ئه‌وێن ل جەژنێن ھندوسان دا دھێنە بکارئینان، ھەروەھا سوتنا کێلگەھێن مەزن یێن چاندنێ توشی زێدەبوونا مادێن ژەھراوی بوویە و تا وی رادەی دوکێلێن ژەھراوی ب سەر باژاری دا گرتیە و خەلک نەشێن بێی ماسکێن پاراستنێ دەرکەڤن.
خەلکێ نیۆدەلھی خوەنیشاندن دژی حکومەتا دەڤەرێ دەستپێ کرن و داخازركرن چارەیەک بۆ ژینگەھا وان بهێته‌ دیتن و سنۆرەکێ بۆ زێدەبوونا ئاستێ دوکێلا ترۆمبێلان دانن.
دەستھەلاتا وی باژاری ل ھەفتیا بوری بریار دا وەک رێکارەک بۆ کێمکرنا وان مادێن ژەھراوی، ل رێککەفتێن تاک تنێ ترۆمبێلێن تابلۆیا وان ب ژمارێن تاک دەستپێ دکەن، دێ ھاتنوچوونی کەن و ل رێککەفتێن جوت ژی تنێ ترۆمبێلێن تابلۆیێن وان ب ژمارێن جوت دەستپێ دکەن، ھاتنوچوونێ بکەن، لێ ڤێ گاڤا حکومەتێ چ کاریگەری نەبوو و ژینگەھا وی باژاری ژی تا نھا وەک خو پیس مایە.

بابه‌تێن ب ڤێ مژارێ ڤه‌ گرێدای