ھندستان.. گەشتا رویێ تاری یێ ھەیڤێ ھاتە پاشخستن

ھندستان.. گەشتا رویێ تاری یێ ھەیڤێ ھاتە پاشخستن

WAAR-دهۆك:

ھندستانێ ھنارتنا رۆکێتا ئاسمانی بۆ ھەیڤێ ژ بەر شاشیەکا تەکنیکی بۆ دەمەکێ نەدیار پاشخست.
بریار بوو ئەڤرۆ رۆکێتا ب ناڤێ چاندرایان یا ھندستانێ بەرەڤ رویێ تاری یێ ھەیڤێ ڤە بچیت، لێ رێکخستنا لێکۆلینێن ئاسمانی یا وی وەلاتی راگەھاند؛ ب سەعەتەکێ بەری دەستپێکرنا گەشتێ، شاشیەکا تەکنیکی ھاتە ئاشکراکرن و ئەو گەشتە بۆ دەمەکێ نەدیار ھاتە پاشخستن.
رۆکێتا چاندرایان کو مەزاختنێن وێ نێزیکی 141 ملیۆن دۆلارێن ئەمریکی نە, ژ ئالیێ زانایێن ھندی ڤە ھاتیە چێکرن و ئارمانجا ڤێ گەشتا ھندستانێ شروڤەکرنا رویێ تاری یێ ھەیڤێ یە و لێگەریانا نیشانێن ژیانێ یە یێن مینا ئاڤێ و دێ بیتە ئێکەم گەشتا جیھانی یا لێگەریانا ئاڤێ ل رویێ تاری یێ ھەیڤێ.
ھندستانێ ل بەرە ل سالا 2022ێ مرۆڤان ژی ب ھنێریتە بوشایا ئاسمانی و دێ بیتە وەلاتێ چارێ وی کاری دکەت.

بابه‌تێن ب ڤێ مژارێ ڤه‌ گرێدای