ھنارتییا نەتەوەیێن ئێکگرتی بەرسڤا چالێنجا سه‌رۆك نێچیرڤان بارزانی دا

WAAR-دهۆك:

ھنارتییا تایبەت یا نەتەوەیێن ئێکگرتی بەرسڤا چالێنجا سەرۆکێ ھەرێما کوردستانێ یا دار چاندنێ دا و داخوازییەک ژ ھەرسێ سەرۆکاتیێن ئیراقێ کر.
جینین ھانس بلاسخارت، ھنارتییا تایبەت یا نەتەوەیێن ئێکگرتی بۆ ئیراقێ پشکداری د چالێنجا دارەکێ بچینە و باژارێ خوە كه‌سك بكه‌ دا كر یا، کو نێچیرڤان بارزانی سەرۆکێ ھەرێما کوردستانێ داخواز ژێ کری و د گرتەیەکا ڤیدیۆیی دا بلاسخارتێ دارەک ل قوتابخانەیەکا ھەولێرێ چاند و گۆت: ئەو ب شانازیڤە ب چالێنجا نێچیرڤان بارزانی رازیبوویە.
ھنارتییا نەتەوەیێن ئێکگرتی بۆ ئیراقێ د چالێنجا خوە دا داخواز ژ ھەرسێ سەرۆکاتیێن ئیراقێ کر پشکداری چالێنجێ ببن، وەک قەبخوازییەکا نشتیمانی بۆ چاندنا داران ل سه‌رانسه‌رى ئیراقێ.

بابه‌تێن ب ڤێ مژارێ ڤه‌ گرێدای