گەفێن ژبیربرنا دیرۆکێ

گەفێن ژبیربرنا دیرۆکێ

دلدار محەمەد

هەر گەلەکی ل ڤێ جیهانێ رۆژێن رۆژێن وی یێن بوری پشکەکەکن ژ مان و هەبون و پێناسەیا وی ، هەما بێژە هندەک مللەت هەنە ئەگەر نە خودان کەڤناری بن د دیروکێ دا ، ب رەنگەکی ژ رەنگان هەستەکێ ب کێماسیێ لدەف پەیدا دبیت د سەر هندێ را کو رەنگە ئەومللەت د ئەڤرۆ کەیا خودا زلهێز بن و خودان بریار بن د گوهارتنێن کو د جیهانا ئەڤرۆ دا دیار دبن ، چونکی ، دیرۆک ئەو خودیکە یا کو کەدا مللەتی و رێکا وی دیاردکەت هەتا گەهشتیە ئەڤروکەیەکا سەرکەفتی ، ئەڤا ب چ رەنگان وێ ناگەهینیت کو هند ب دوهی و پێرڤە د گرێدای بین کو ئەڤرۆ خو ژ بیر بکەین

گەلێ کورد ، لڤێ جیهانێ خودان دیرۆکەکا پرە ژ قوربانیدان و وەستیانێ و هێشتا ژی گەمیا ڤی مللەتی نەگەهشتیە چ بەرئاڤێن تەنا ، ئەگەر باشورێ کوردستانێ بتنێ وەرگرین و ژ چەرخێ بیستێ بتنێ تەماشە بکەین دێ بینین ، دیروکەکا پر ژ رەڤ و کوشتن و کیمیاباران و راگوهاستن و ئەنفال … هتد بەهرا ڤی گەلی یە ، ، ژ ئالیێ دیروکێ ڤە مە رەنگە زەنگیەک هەیە و پێدڤیە ڤێ دیروکێ بێخینە د خزمەتا خودا بو دانەنیاسینا خۆ و رونکرنا پەیاما خو
لێ تشتێ هندەکجاران مرۆڤی ڤەدچنقینیت ، پشتی سەرهلدانا سالا 1991 ێ و ب دروستی ڤان سالێن دوماهیێ ژ چەرخێ بیست و ئێکێ ، دەنگەک هەیە ، رێگریێ ل بیر ئینان و ساخکرنا بیرهاتنێن دیرۆکا جەرگ بر دکەت ، یا سەیرتر ئەوە کو هندەک ژوان یێن کو ڤێ پەیامێ بەلاڤ دکەن ، نڤیسەرن و ب پێنڤیسێن خۆ ڤێ داخوازێ دکەن ، ب بهانەیا هندێ کو ئەڤە سیهـ سال یان پتر دەربازبون و ئێدی دڤیا ئاڤاکرنێ بکەین و بیر ئینانا بترسی بلا بەس بیت

رەنگە ژ رویەکی ڤه رەنگەکێ دروستیێ د ڤێ دیتنێ دا هەبیت کو ئێدی قوربانێن ڤان روودانان پێدڤی خزمەتکرنێ نە و پێ گوتن و بیر ئینان برینێن وان چارە ناکەت ، لێ ئەڤە دێ بیتە ئەرک و پەیاما حکومرانان و سازیێن حکومەتێ ل هەرێما ، بەلێ پەیاما رەوشەنبیری و نڤیسینێ ل جهێ خویە و هندی ئەڤ بیرەوەریە ل بیر بهێن رەنگە هێشتا کێم بیت ئەگەر ژبیر نەچیت کو ل پشتی سەرهلدنێ و ب دروستی ل نوزدە سالێن چەرخێ بیست و ئێکێ بەربابەک پێگەهشتیە کو دناڤ جیهانگیری و لەزا کو جیهان ڤەگرتی دا نقوم بویە ، ب وی رەنگێ پێدڤی ئاگەهدارێ رەوشا کو مللەت تێرا بوریە ڤێ رەوشا ئازاد نینە، رەنگە هەستێ گرنگیا ڤی بابەتی لدەف پەیدا نەببیت ژی
ژڤێ خویا دبیت ، پێدڤیاتیا مللەتی و ئەو پەیاما هندەک نڤیسەر لسەر کاردکەن دوو ئاراستێن بەروفاژی نە
لەوما پێدڤیە خودانێن ڤێ هزرێ ئێدی ب گەهنە وێ باوەریێ کو دیروک چەند بهێتە بیرئینان و شروڤەکرن ئەم پێدڤی پترێنە ، یان ژی هەما چ نەبیت رێگریێ ل بیرئینانێ نەکەن ، داکو نەبنە ئێک ژ فاکتەرێن ژێبرن و ژ ناڤبرنا بیردانکا ڤی مللەتی یا کو دبنەرەت دا لبن گەفا ژ ناڤچونێ ، چونکی ئەو بڤێ بزاڤا خو شوینا کلدەن کورە دبیت و ئەڤرۆ خەلک ب هەمی رەنگان و دهەمی کاودانان دا پێنڤیسێن خۆ و هونەر و رەوشەنبیریا خو د ئێخنە د خزمەتا بەرچاڤکرن و بیرئینانا دیروکا خودا ، ئەگەر مه ئەڤ سەر بورەژی نەبیت ، دەمێ لسەر ملێن خو بزڤرین دێ لدەردورێن خو ڤێ چەندێ بینین و وەکی مەزنێن کوردان دبێژن (ئەگەر تویێ نەزانی چاڤبدە جیرانی )

بابه‌تێن ب ڤێ مژارێ ڤه‌ گرێدای