گه‌را پاریس ژ خۆلا ئه‌لماسى یا یاریێن مه‌یدانێ

گه‌را پاریس ژ خۆلا ئه‌لماسى یا یاریێن مه‌یدانێ

WAAR-دهوك:

بەزۆکێ ئەمریکی نوح لایلزی ریکوردەکا نوو دغاردانا 200 متری یا گەرا پاریس دا ژ خۆلا ئەلماسی یا یاریێن مەیدانێ تۆمارکر . لایلزی درێژاھییا غاردانێ ب 19 چرکە و 65 پشکێن چرکەیێ بری و ریکوردا بەزۆکێ جامایکی یوسێن بۆلتی ئەوا ل سالا 2013 ب 19 چرکە و 73 پشکەیان تۆمارکری شکاند، لێ ریکوردا جیھانی یا بۆلتی ئەوا ب 19 چرکە و 19 پشکەیان تۆمارکری ھێشتا وەکو خۆ مایە و نەھاتییە شکاندن ، ژلایەکێ دیڤە قارەمانێ جیھانێ بەزۆکێ نەرویجی رێزا ئێکێ دغاردانا  400متر ئاستەنگ دا بدەستڤەبر، پشتی غاردان ب 47 چرکە و 26 پشکێن چرکەیێ بداوی ئینای، و یێ فرەنسی لودڤی ڤایلانت لرێزا دویێ ھات، و کایرۆ ماکماستر رێزا سێیێ بدەستڤەبر ،  ھەروەسا بەزۆکێ ئەمریکی دانیێل رۆبرت میدالییا غاردانا 110  متر ئاستەنگ بدەستڤەبر، پشتی 13 چرکە و ھەشت پشکێن چرکەیێ تۆمارکرین، و یێ ئسپانی ئاورلاندو ئورتیگا لرێزا دووێ ھات و بەزۆکێ دییێ ئەمریکی فریدی کریتیندون میدالییا برۆنزی بدەستڤەبر ، زێرێ خوھاڤێتنا سێ گاڤی بۆ یێ ئەمریکی ویل کلای چوو، پشتی 18 متر و شەش سەنتیمەتر تۆمارکرین و وەلاتییێ وی کریستیان تایلۆر لرێزا دویێ ھات، و ئەمریکییێ سێیێ عمەر کرادوک میدالییا برۆنزی وەرگرت ،  لسەر ئاستێ کچان، بەزۆکا جامایکی ئیلین تومسونێ رێزا ئێکێ دغاردانا 100 متر دا بدەستڤەبر، پشتی 10  چرکە و 98 پشکێن چرکەیێ تۆمارکرین، و یا کوت دیڤواری ماری جویێ تالۆ لرێزا دویێ ھات، و بەزۆکا ھولەندی دافنی سکیپرز رێزا سێیێ بدەستڤەبر ،  ئالیشا نیومانا یا کەنەدی زێرێ خو بلندکرن ب داری بدەستڤەبر، پشتی چار متر و 82 سەنتیمەتر تۆمارکرین، و یا یونانی کاترینا ستیڤانیدی لرێزا دویێ ھات ، و لداوییێ دانیا کابیێرو ژ کوبا زێرێ ھاڤێتنا پارسەنگی بدەستڤەبر، پشتی 66 مەتر و 91 سەنتیمەتر تۆمارکرین.

بابه‌تێن ب ڤێ مژارێ ڤه‌ گرێدای