گرەڤگرتییێن باکورێ کوردستانێ داوی ب چالاکییا خوە ئینا

گرەڤگرتییێن باکورێ کوردستانێ داوی ب چالاکییا خوە ئینا

WAAR-دهۆك:

پشتی ئۆجەلانی د نامەیەکێ دا داخوازا بداویئینانا گرەڤا برسیبوونێ و رۆژییا مرنێ کری داوییێ ب چالاکییێن خوە بینن، گرەڤگرتییێن باکۆرێ کوردستانێ بداویھاتنا گرەڤا خوە راگەھاند.
پشتی ئەڤرۆ نەورۆز ئۆیسال و رێزان سازریجا، پارێزەرێن عەبدوللا ئۆجەلان، سەرۆکێ زیندانکری یێ پارتییا کارکەرێن کوردستانێ، پەکەکێ، ناڤەرۆک و ئەنجامێن ھەڤدیتنا بیست و دویی مەھێ یا د گەل ئۆجەلانی دا، بەلاڤ کری کو ئۆجەلانی سوپاسییا گرەڤگرتییان کرییە و ژ بەر گەھشتنا چالاکییێ ب ئەنجامان، داخوازا بداویئینانا کرییە، تەیب تەمەل، پەرلەمانتارێ پارتییا دیمۆکراتیک یا گەلان، ھەدەپێ، پەیاما لەیلا گوڤەن، سەرکێشا گرەڤگرتییان خواند و بداویئینانا چالاکییێ ل گۆری بانگەوازا ئۆجەلانی و ب ئاوایەکێ فەرمی راگەھاند.
گرەڤا برسیبوونێ بەری دوسەد رۆژان ژ ئالییێ لەیلا گوڤەن، پەرلەمانتارا بەرێ یا ھەدەپێ و ھەڤسەرۆکا کەجەدێ کو وێ دەمێ د زیندانێ دا بوو، ل دژی گۆشەگیرکرنا ئۆجەلانی و قەدەغەیا ھەڤدیتنێن د گەل دا دەست پێ کربوو و پشتی وێ ب ھزاران زیندانی و ئەندام و ئالیگرێن ھەدەپێ و پەکەکێ ژ پارچەیێن کوردستانێ و دەرڤە تەڤلی ببوون و چەندین گرەڤگرتییان ژی داوی ب ژیانا خوە ئینابوو.

بابه‌تێن ب ڤێ مژارێ ڤه‌ گرێدای