گرته‌ ڤیدیۆیەکا کۆمبوونەکا عەبدولمەھدی بەلاڤبوو

گرته‌ ڤیدیۆیەکا کۆمبوونەکا عەبدولمەھدی بەلاڤبوو

WAAR-دهۆك:

گرته‌ ڤیدیۆیەکا کۆمبوونەکا داخستی یا سەرۆکوەزیرێ ئیراقێ لگەل چەندین بەرپرسان بەلاڤبوو کو تێدا باس ل پرۆپاگندەیێ بۆ بریارێن حکومەتێ دھێن کرن.
چالاکڤانێن ئیراقێ گرتە ڤیدیۆیەکا کۆمبوونەکا عادل عەبدولمەھدی لگەل ژمارەکا بەرپرسان بەلاڤکر کو تێدا ئێک ژ ئامادەبوویان داخوازێ ژ سەرۆکوەزیرێ ئیراقێ دکەت ئاراستەیێ کەنالێن تێلەڤزیۆنی یێن فەرمی بگھوریت ژ بۆ پرۆپاگندەیێ بۆ بریارێن حکومەتێ یێن گرتنا بەرپرسان ب سووچا گەندەلیێ.
ھەروەسا ئەو بەرپرسە د ئاخڤتنێن خوە دا وەھا ئاماژە د دکەت کو مەبەست ژ وێ پرۆپاگندەیا کەنالێن فەرمی بۆ کێمکرنا دژوارییا خوەنیشاندانایە و د ھەمبەر دا عەبدولمەھدی گۆھدارییا شیرەتێن وی بەرپرسی دکەت.
ئەڤە د دەمەکی دایە دەستەیا دەستپاکییا ئیراقێ بەری چەندین رۆژان راگەھاندبوو کو فەرمانا گرتنێ بۆ شێست بەرپرس و پەرلەمانتاران ب سووچێن گەندەلی و ب ھەدەردانا سامانێ گشتی ھاتیە دەرخستن.

بابه‌تێن ب ڤێ مژارێ ڤه‌ گرێدای