کەشتیا ئیرانی ژ جەبەل تارق دەرکەفت

کەشتیا ئیرانی ژ جەبەل تارق دەرکەفت

WAAR- دهوك:

کەشتیا ئیرانێ شڤێدی کەنارێن جەبەل تارق بجھـ ھێلان و بەرەڤ گراڤەکا یونانێ ڤە چوو.
کەشتیا ئیرانی کو دەما زێدەتر ژ مەھەکێ یە بوویە ئەگەرێ کێشەیا د ناڤبەرا تەھران و وەلاتێن رۆژئاڤا دا، شڤێدی نێزیکی سات یازدە دوبارە ڤەگەریا ئاڤا نێڤدەولەتی و ل گورەی زانیاریان، کەشتیێ ئارستەیێ خوە گوھارتیە و بەرەڤ گراڤا کالاماتا یا یۆنانێ ڤە چوویە.
کەشتیا پەترۆلا ئیرانی یا ب ناڤێ گریس وەن، بەری ژ کەنارێن جەبەل تارق رێبکەڤیت، ناڤێ خوە بۆ کەشتیا ئەدریان داریا وەن گوھارتیە و نھا ب وی ناڤێ نوو د ئاڤا نێڤدەولەتی دایە.
حکومەتا جەبەل تارق ل رۆژا پێنچشەمبیا بوری بریارا ئازادکرنا وێ کەشتیێ دایە و ب ھیڤیا وێ یەکێ، ئیران بەرەڤ سووریێ نەھنێریت.

بابه‌تێن ب ڤێ مژارێ ڤه‌ گرێدای