کۆنگرێسێ ئەمریکا ژ بۆ سزادانا سعوودیێ ل ھیڤیا بریارا ترامپی نە

کۆنگرێسێ ئەمریکا ژ بۆ سزادانا سعوودیێ ل ھیڤیا بریارا ترامپی نە

WAAR-دهۆك:

جڤاتا پیرێن ئەمریکا بەرھەڤە د چوارچووڤێ پرسا کوشتنا جەمال خاشەقچی دا سزایان ل سەر ریازێ ب سەپینیت و داخواز ژ سەرۆکێ ئەمریکا کریە بریارەکێ بدەت.
بیست و دو ئەندامێن جڤاتا پیرێن ئەمریکا ب ناڤێ لژنەیا کاروبارێن دەرڤە و ب سەرپەرشتییا بۆب کرۆکەر، سەرۆکێ لژنێ نامەیەک بۆ دۆنالد ترامپ ھنارتیە و تێدا داخواز ژێ کریە ل گۆرەی قانوونا ماگنێتسکی یا بنپێکرنا قانوونێن نێڤدەولەتی لێکۆلینان د پرسا کوشتنا رۆژنامەڤانێ سعوودی ل تورکیا دا بکەت.
پیرێن ئەمریکا بەرھەڤییا خوە بۆ سەپاندنا سزایان لسەر بەرپرسێن سعوودیێ دیار کریە و ل ھیڤیا وێ یەکێ نە ترامپ پشتی لێکۆلینان بریارەکێ بدەت.
پێشتر کۆچکا سپی ژی راگەھاندبوو کو ھەر ئێک ژ جۆن بۆلتۆن، شیرەتکارێ جڤاتا ئاسایشێ و مایک پۆمپێیۆ، وەزیری دەرڤە، ھەروەھا جارێد کۆشنەر، شیرەتکارێ ترامپی ئەو پرسە د گەل مۆحەمەد بن سەلمان، تاچپارێزێ سعوودیێ گۆتوبێژ کریە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.