کۆریا باکۆر: تا ترامپ سیاسەتا خوە نەگوھریت دانوستاندن ناھێنە کرن

کۆریا باکۆر: تا ترامپ سیاسەتا خوە نەگوھریت دانوستاندن ناھێنە کرن

WAAR-دهۆك:

کۆریا باکۆر راگەھاند؛ تاکو ئەمریکا سیاسەتا خوە یا دژمنکارانە نەگوھریت، ئەو دانوستاندنان د گەل دا ناکەن.
جێگرا وەزیرێ دەرڤە یێ کۆریا باکۆر راگەھاند؛ گەر ئەمریکا گوھرین د سیاسەتا خوە یا ھەمبەر پیۆنگ یانگێ دا کرن و داخوازیێن وان جێبجێ کرن، ل وی دەمی ئەو دێ بەرھەڤ بن دانوستاندنێن رێککەفتنا نەھێلانا بەرنامەیێ خوە یێ ئەتۆمی د گەل بەرپرسێن وان دەستپێ کەن، گەر وێ یەکێ نەکەن، کۆریا باکۆر نیاز نینن بەردەوامیێ ب دەتە وان دانوستاندنان.
ھەروەھا گۆت : نھا پیۆنگ یانگێ چ نیازێن گۆپیتکەکا نوو یا دۆنالد ترامپ، سەرۆکێ ئەمریکا و کیم جۆنگ ئۆن، سەرۆکێ کۆریا باکۆر نینن.
بەری دو رۆژان ترامپی د تویتەکێ دا داخواز ژ کیم جۆنگ ئۆنی کربوو لەزێ د کارێ دانوستاندنان دا بکەت و وەھا دیار کربوو کو ل ڤان نێزیکان دێ د گەل دا کۆم بیت.
دانوستاندنێن واشنتۆن و پیۆنگ یانگێ ل ئاستەکێ نیڤەرو ئاسێ ماینە، ژ بەرکو ب دیتنا کۆریا، ئەمریکا سۆزێن خوە جێبجێ ناکەت.

بابه‌تێن ب ڤێ مژارێ ڤه‌ گرێدای