کڤارکێن ب ژەهر و یێن بێ ژەهر و کڤارکێن هشبەر

کڤارکێن ب ژەهر و یێن بێ ژەهر و کڤارکێن هشبەر

ب: ژیوار عەبدولجەبار

کڤارک ئێک ژ وان تشتانە کو ل سەر ئەردی شین دبن، گەلەک جۆرێن کڤارکان هەنە کو شێوەیێ وان مینا سێلوانێ یە.

د کەڤن دا زانایان کڤارک ب گیا ددانە نیاسین، لێ نها ژ جۆرێن گیایان هاتینە جوداکرن و ب جیهانەکا تایبەت یا زیندەوەران دهێنە نیاسین. هەموو روەکان کلۆرۆفیل تێدا هەیە کو ب رێیا وی خوارنا خوە بەرهەم دئینن، لێ کڤارکان کلۆرۆفیل تێدا نینە، شیانێن دروستکرنا خوارنێ نینن و خوارنا خوە ژ روەکێن دی دمێژیت و سێ جورێن سەرەکی یێن کڤارکان هەنە، کڤارکێن ب ژەهر و یێن بێ ژەهر و هەروەسا کڤارکێن هشبەر. کڤارکێن بێ ژەهر دهێنە خوارن و ل گۆری ڤەکۆلینان، کڤارک ئێک ژ ژێدەرێن مەزن یێن خوێ، پرۆتین و ڤیتامینانن و رێژەیەکا کاربۆهیدراتی ژی تێدا هەنە و هەروەسا رێژەیەکا دی یا مادەیان تێدا هەنە کو بۆ کریارا هەرسکرنێ هاریکارن. گەلەک جۆرێن کڤارکێن بژەهر ژی هەنە و هەرچەندە ب کێر خوارنێ ناهێن، لێ مفایی دگەهیننە ژینگەهێ. کڤارکێن هشبەر د د جڤاکێن خوەزایی یێن دەستپێکی دا وەک خوداوەند دهاتنە نیاسین، بۆ چارەکرنا نەخوەشییان و دەربازبوون بۆ جیهانا رحان دهاتنە بکارئینان و نها ژی جڤاکێن شامانی یێن دەستپێکی بکار دئینن.

جورێن جودا یێن کڤارکان د دیرۆکێ دا د وارێن جودا دا دهاتنە بکارئینان و نها ژی هەڤیرترش و هێڤێنێ پەنیری و چەندین تشتێن دی یێن د ژیانا رۆژانە دا دهێنە بکارئینان، ژێ دهێنە چێکرن.

گەلەک جۆرێن کڤارکان ل ژینگەها کوردستانێ نینن، لێ دومەلان کو ئێک ژ ب بهاترین جۆرێن کڤارکانە، ل کوردستانێ هەیە و چەندین جۆرێن کڤارکێن ژەهراوی ژی ل کوردستانێ هەنە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.