کوێت.. 30 ملیار دۆلار بۆ ئیراقێ بدەستڤە هاتن

کوێت.. 30 ملیار دۆلار بۆ ئیراقێ بدەستڤە هاتن

WAAR-دهۆك:

کۆنفرانسێ ئاڤەدانکرنا ئیراقێ ئەڤرۆ ل کوێتێ بداوی هات و نێزیکی سیهـ ملیار دۆلاران بۆ ئیراقێ هاتنە بدەستڤەئینان.
وەزیرێ دەرڤە یێ کوێتێ د گۆتارەکێ دا ل داوییا کۆنفرانسێ دوبارەئاڤاکرنا ئیراقێ راگەهاند؛ نوونەرێن حەفتێ و شەش وەلاتان دگەل نوونەرێن پێنجی و ئێک سندۆقێن دراڤی یێن ناڤخوەیی و ناڤدەولەتی و هەروەسا سەد و حەفتێ رێکخستیێن نەحکومی و هزار و هەشتسەد و پێنجی شارەزایێن کەرتێ تایبەت، پشکداری کۆنفرانسی بوون و سیهـ ملیار دۆلار بۆ دوبارەئاڤاکرن و وەبەرهێنانێ ل ئیراقێ هاتنە بدەستڤە ئینان.
هەر وەلاتەکی ب رەنگەکی پشکداری د هاریکارییا ئیراقێ دا کرییە، دراڤ دێ ل ئاڤەدانکرن و وەبەرهێنانێ هێتە مەزاختن و ئەسۆشیەیتد پرێس دەربارەی هاریکارییان، ئاشکرا کر؛ ئەرەبستانا سعوودیێ ب ملیارەک و پێنجسەد ملیۆن دۆلاران، تورکیا ب پێنج ملیاران و کوێت ب دو ملیاران و چەندین وەلاتێن دی یێن رۆژهەلاتا ناڤین و ئەورۆپا، رازی بووینە ب کۆژمێن جودا هاریکارییا ئیراقێ بکەن.
کۆنفرانسێ ئاڤەدانکرنا ئیراقێ دەمێ دو رۆژان ل کوێتێ بەردەوام بوو و بەری دەستپێکرنا کۆنفرانسی، حکومەتا ئیراقێ راگەهاندبوو؛ زێدەتری هەشتێ و هەشت ملیار دۆلاران بۆ دوبارەئاڤاکرنا دەڤەرێن داعشێ وێران کرین، پێدڤی نە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.