کلچدارئۆغلو: سەرەدانا ئەردۆغانی یا ئەمریکا دێ بێئەنجام بیت

کلچدارئۆغلو: سەرەدانا ئەردۆغانی یا ئەمریکا دێ بێئەنجام بیت

WAAR-دهۆك:

سەرۆکێ جەھەپێ دیار کر کو سەرەدانا سەرۆکێ تورکیا بۆ ئەمریکا دێ بێی ئەنجام بیت و تورکیا بوویە تەپەیا د ناڤبەرا ئەمریکا و رۆسیا دا.
کەمال کلچدارئۆغلو، سەرۆکێ پارتییا گەل یا کۆماری جەھەپێ، ل دۆر سەرەدانا ئەڤرۆ رەجەب تەیب ئەردۆغان كو ل سەر داخوازییا دۆنالد ترامپی یه‌، راگەھاند؛ ژ بەر کو نھا تورکیا دووڤه‌لانكا رۆسیا یە، سەرەدانا ئەردۆغانی یا ئەمریکا و کۆمبوونا وی د گەل ترامپی و بەرپرسێن ئەمریکا دا چ ئەنجامێن باش بۆ تورکیا نابن و تایبەت کو بەری نھا سەرۆکێ ئەمریکا د نامەیەکێ دا ئەردۆغان ب بێ مەژی بناڤ کربوو و سڤکاتی ب ھەموو گەلێ تورک کربوو، لێ ئەردۆغانی چ ھەلوەست و بەرسڤ نەبوون.
کلچدارئۆغلو ھەروەها تورکیا ب تەپا تەنسێ یا ئاسێ د ناڤبەرا ئەمریکا و رۆسیا دا بناڤ کر و ئاماژە دا کو ھێرشا ئەردۆغانی ل سەر رۆژئاڤایێ کوردستانێ ژی ھەر ب فەرمانا وان بوو و یارییەک ب تورکیا ھات کرن.
سەرۆکێ جەھەپێ بەری دەمەکێ ژی راگەھاندبوو کو ئەردۆغان نەشیایە بەرسڤا نامەیا ترامپی بدەت و شەرەفا تورکیا بپارێزیت و داخواز ژێ کربوو تا ئەمریکا لێبوورینێ ژ تورکیا نەخوازیت، سەرەدانا وی وەلاتی نەکەت.

بابه‌تێن ب ڤێ مژارێ ڤه‌ گرێدای