کالن: ب ساناھی نینە تورکیا ژ بەرنامێ فرۆکەیێن F35 بھێت دەرخستن

کالن: ب ساناھی نینە تورکیا ژ بەرنامێ فرۆکەیێن F35 بھێت دەرخستن

WAAR-دهۆك:

حکومەتا تورکیا راگەھاند؛ ئەو دەستبەرداری بەرنامێ چێکرنا فرۆکەیێن ئێف 35 نابن، کو ئەمریکا ژبەر کڕینا سیستەمێ ئێس 400 یێ رۆسی به‌رهه‌ڤ نینه‌ وان فرۆكه‌یان بده‌ته‌ توركیا..
ئیبراھیم کالن، پەیڤدارێ سەرۆکاتییا كۆمارا تورکیا د پرێسکۆنفرانسەکی دا راگەھاند؛ وەلاتێ وی دەستەبەرداری بەرنامێ فرۆکەیێن ئێف 35 نابیت و یا بساناھی نینە تورکیا ژ وی بەرنامەی بھێته‌ دەرخستن.
کالن ئاشکرا ژی کر، پرسا كرینا سیستەمێ ئێس 400 یێ رۆسی و فرۆکەیێن ئێف 35 یێن ئەمریکی دێ چارە بیت و ئەو قەیران دێ دەرباز بیت.
ئەمریکا ل رۆژا 17ی مەھا خزیرانا بۆری تورکیا ژ بەرنامێ چێکرنا فرۆکەیێن ئێف 35 دەرخست، وەکو كاڤه‌دانه‌ك بۆ کڕینا سیستەمێ ئێس 400 یێ رۆسی ژ ئالیێ ئەنقەرە ڤە.

بابه‌تێن ب ڤێ مژارێ ڤه‌ گرێدای