ڤۆندەرلاین: پێدڤییە سیاسەتا کۆچبەران دوبارە بھێتە دارشتن

ڤۆندەرلاین: پێدڤییە سیاسەتا کۆچبەران دوبارە بھێتە دارشتن

WAAR-دهۆك:

سەرۆکا نوو یا کۆمسیۆنا ئەورۆپا داخواز کر سیاسەتا ئەورۆپا یا کۆچبەران دوبارە بھێتە دارشتن.
ئۆرسۆلا ڤۆندەرلاین، سەرۆکا نووھەلبژارتی یا کۆمسیۆنا ئەورۆپا شڤێدی د کۆنفرانسەکێ دا ل بەرلینێ رەخنە ل سیاسەتا نھا یا کۆچبەران گرتن و گۆت: نابیت ئەورۆپا ل سەر ڤێ سیاسەتێ بەردەوام بیت، ژ بەر کو ھاتنا کۆچبەران بۆ وەلاتێن ئەورۆپی بداوی ناھێت و پێدڤییە ھەموو ئەندامێن ئێکەتییا ئەورۆپا ب ھەڤرا وێ سیاسەتا کۆچبەران دوبارە دابرێژن.
ڤۆندەرلاینێ بەحسا دامەزراندنا قەوارەیێ ھێزێ یێ ئەورۆپا ژی کر و گۆت: پێدڤییە وەلاتێن ئەورۆپی خوه‌ فێری زمانێ ھێزێ بکەن و دانانا ھێزەکا ئەورۆپی د بەرژوەندییا وان دا یە.
پرسا کۆچبەران ل ئەورۆپا نھا کێشەیا ھەرەمەزنە، ژ بەر کو رۆژانە ب ھزاران کۆچبەر ژ وەلاتێن ئاسیا و ئەفریقیا بەر ب سنۆرێن وی کێشوەری ڤه‌ دچن و کێشەیێن مەزن د ناڤا وەلاتێن ئەورۆپی دا چێبووینە و پارتیێن ناڤخوە ل دۆر وێ پرسێ بووینە دو ئالی.

بابه‌تێن ب ڤێ مژارێ ڤه‌ گرێدای